بوگون «دوشنبه» کابلده میدان وردک ولایت کینگشی اعضالری خبری بیر ییغین اوتکزیب، مذکور ولایتده خوفسیزلیک کوچلری نینگ کیچهلیک عملیاتلری خصوصیده حکومت نی دقتسیزلیگیدن تنقید قیلگنلر.
مذکور کینگش اعضالری، میدان وردک ده خوفسیزلیک کوچلری نینگ کیچه عملیاتلری توختهتیلیشینی سورهگن.
اولرگه کوره، خوفسیزلیک کوچلری نینگ کوپینچه هجوملری، اهالی اویلری اوستیگه اویوشتیریلیب و مالیوجانی زیانلرگه سبب بولهدی.
میدان وردک ولایت کینگشی باشلیغی اخترمحمد طاهری نینگ آگاهلنتیریشیچه، مذکور ولایتده حکومت کیچه عملیاتلرینی توختتمهگن صورتده، کابل-قندهار قتناو یولینی باغلب و کیلهجک جمهورلیک ریاست سیلاویده اشتراک قیلمهیدیلر.
بیراق، مدافعه وزیرلیگی سوزلاوچیسی اورین باسری فواد امان نینگ ایتیشیچه، تینچ اهالی قربانلرینینگ 90% دن آرتیغی گه طالبان گروهی سبب بولهدی. اونگه کوره، خوفسیزلیک کوچلری نینگ بوتون عملیاتلریده تینچ اهالی گه زیان ییتمهسی خصوصیده سعی و حرکت قیلینهدی.
بو بیرینچی مرته ایمس کیم، خوفسیزلیک کوچلری و طالبان گروهی آرهسیده یوز بیرگن آتیشمهده تینچ اهالی گه زیان ییتیشهدی. سونگی بیر قضیهده لوگر ولایتی نینگ برکیبرک تومنی اوستیگه چیتایللیک کوچلر تامانیدن اویوشتیریلگن هوایی هجوم نتیجهسیده عیاللر و بالهلر شامل 9 کیشی هلاک و باشقه 6 کیشی یرهلنگن ایدی.
