زابلده گروگان آلینگن یولاوچیلر باشی کیسیلیب اولدیریلیشی اوچون بوگون کابلده سابقهسیز ناراضیلیک نمایش اوتکزیلدی. جسدلرنی ییلکهلریگه کوتارگن مینگلب اهالی جمهور رییسلیک سرایی قرشیسیده توپلهنیب عدالت سورهگنلر. شونینگدیک مملکتنینگ باشقه ولایتلریده هم بو اعتراضدن حمایت بیلدیریلیب ناراضیلیک نمایش اوتکزیلگن.
زابل ولایتینینگ محلی بلند مرتبهلی رسمیلری تینچ اهالیدن عبارت ییتی یولاوچی نینگ باشی کیسیلیب اولدیریلگنی یکشنبه کونی اعلان ایتیلدی. ایتیلیشیچه، مذکور یولاوچیلر داعش گروهی تامانیدن اولدیریلگن.
تورت ایرکک و اوچ عیالدن عبارت مذکور یولاوچیلر ایچیده توقیز یاشلی بلاغتگه ییتمهگن بیر قیز هم کوزگه تشلنهدی. کابل بویلیب اهالی جمهور رییسلیک سرایی قرشیسیده توپلهنیب، زابل حادثهسی بارهسیده جمهور رییس جواب بیریشنی سورهگنلر.
هرات و نورستان ولایتینینگ اهالیسی هم کابلده اوتکزیلگن اعتراضدن حمایت بیلدیریب، نارضی نمایش اوتکزیش خلقنینگ مدنی حقی بولگن لیگنی ایتیب، حکومت باشلیغلری بو حقده اعتراضچیلرگه قانیقرلی جواب بیریشی کیرهک دیگنلر. اولر بوگونکه اعتراضنی ملی بیرلیک تمثالی دیگنلر.
شونینگدیک پکتیا ولایتینینگ اهالیسی سلام وطندار بیلن تیلفون آرقهلی سوزلش حادثه عامللرنی قارهلب حکومت اهالی امنیتینی تامین قیلیش اوچون مسؤول ایکنلیگینی بیلدیرگنلر. اولر مذکور ییتی شهد عایلهسی آغیریغی سیزه میز، انه شو باعث دولتدن عدالت سوریمیز دیگنلر.
بلخ ولایتینینگ یشاوچیسی نوید عزیزی و تخارلیک امید ایسه مملکت بویلب بوندهی اعتراض یولگه قوییلیشینی سورهگنلر.
افغانستانلیکلر اعتراضچیلر ایستهگیگه ایجابی جواب بیریلمهگن حالده، عدالت سورهش دوام بیریشلری توغریسیده آگاهلنتیرگنلر. بوگون کابلده ایرتلب باشلنگن ییریک اعتراض کیچ ساعت 6ده اوز پایانیگه ییتدی.
