اوشبو پارتلش بوگون «سهشنبه» توش اطرافیده پروان مرکزی چاریکار شهرینینگ جنگلباغ منطقهسیده جایلشگن پولیس تربیهلش مرکزی ایشیگیده، محمداشرف غنی رهبرلیگیده دولت قوروچی سیلاوی تیمی نینگ بیر ییغینیده یوزبیرگن.
پروان ولایتی کسلخانه باشلیغی عبدالقاسم سنگین نینگ ایتیشیچه، مذکور پارتلشده 26 کیشی هلاک و باشقه 42 کیشی یرهلنگن.
پروان پولیس قومندانی محمدمحفوظ ولیزاده نینگ ایتیشیچه، پارتلش ماده بیر موترسایکل گه جایلشتیریلگن ایکن.
حادثه مسئولیتی نی حاضرگچه بیرار گروه یا-ده شخص بوینیگه آلمهگن.
عین حالده، بوگون «سهشنبه» توشدن کیین کابل شهری نینگ مسعود تورت یولیده بیر پارتلش یوزبیردی.
کابل پولیسی سوزلاوچیسی فردوس فرامرزنینگ ایتیشیچه، حادثه تلفاتیدن حاضرگچه بیللی رقم قولگه کیلمهگن.
حادثه شاهدلری گه کوره، مذکور پارتلشده قطار تینچ اهالی هلاک و یرهلنگن.
شو توغریده:
