.jpg)
افغانستان بوییچه ناتو تشکیلاتینی ملکی ایلچیسی نیکلاس کی نینگ ایتیشیچه، مذاکره میزی اوسیتگه اولتیریش خصوصیده طالبان و آمریکا نمایندهلری نینگ علاقمندلیگی بو سعی و حرکتلر نتیجه بیریشی توغریسیده امیدوارلیکلرنی کوپهیتیرگن.
سلاموطندارگه توییتر آرقهلی صحبت بیرگن جناب کی نینگ ایتیشیچه، تیزلیککه افغانستان حکومتی بیلن ایرکین سوزلشوولر باشلهنیشی خصوصیده امید بیلدیرهدی.
افغانستان بوییچه ناتو تشکیلاتی نینگ ملکی ایلچیسی گه کوره، مذاکره قیلینمس دن سیاسی ییچیم یول گه قول تاپیش امکاندن اوزاق دیر و آمریکا بیلن طالبان گروهی نینگ نمایندهلری آرهسیدهگی سوزلشوولرده تینچلیک جریانی همهشمول بولیشی ضروری دیر.
نیکلاس کی نینگ ایتیشیچه، افغانستانده انسان حقلری سقلهنیشی تینچلیک و دایمی خوفسیزلیک و دنیا جماعهچیلیگینینگ همکارلیگی اوچون کلیدی موضوع دیر و اولر افغانستان حکومتی گه قیلهدیگن همکارلیکلریگه دوام بیرهدیلر.
جناب کی نینگ اوتگن 18 ییل جریانیده قولگه کیریتیلگن قوشمه یوتوقلر سقلهنیشی اوچون ناتو تشکیلاتی نینگ رولی توغریسیده ایتیشیچه، افغانستان اوتگن بیر یریم دهه ده انسان حقلری، رواجلنتیریش و دموکراسی بولیملریده کوپینچه یوتوق قولگه کیریتگن و ناتو بیلن خلق ارا بیرلشیکلری بو یوتوقلر سقلهنیشی خصوصیده سعی و حرکت قیلهدی.
نیکلاس کی سونگی کونلرده افغانستان بوییچه ناتو تشکیلاتی نینگ ملکی ایلچیسی صفتیده تانیشتیریلدی.
افغانستان بوییچه ناتو تشکیلاتی نینگ ملکی ایلچیسی بوندن آلدین بیر ییل کابلده بریتانیا ایلچیسی صفتیده ایش قیلگن و شونینگدیک، جنوبی آسیا منطقهسیده افغانستان و پاکستان بولیمی نینگ باشلیغی صفتیده فعالیت قیلگن.
شونینگدیک، جناب کی بیر مدت سومالیاده بیرلشگن ملتلر تشکیلاتی نینگ باش کاتبی نی خاص نمایندهسی صفتیده ایش قیلگن.
شو توغریده…
ناتو تشکیلاتینینگ ینگی ملکی نمایندهسی نیکلاس کی، کابل کیلدی
