مملکت قیزیل یریم آی ادارهسینینگ سنا مجلس اعضالریدن اوشبو ادارهگه یاردم سورهگنی افغانستانلیک سناتورلرنینگ جدی عکسالعملیگه روپهره بولگن. قیزیل یریم آی ادارهسی بوگون (یکشنبه) سنامجلسیدن امکان قدر اوشبو ادارهگه مالی همکارلیک قیلیشلرینی سورهگن.
مجلسنینگ اعضالریدن بیری نثاراحمد حارثنینگ سوزلریگه کوره، قیزیل یریم آی ادارهسی اوچون مخصوص بودجه بار و کوپینچه تشقی یاردملر بو ادارهگه کورسهتیلهدی « بو اداره تیلنچیلیک قیلمسی کیرهک»
جناب حارثگه کوره، مملکت قیزیل یریم آی ادارهسی نامه یوللب تیلنچیلیک قیلیشی ییریک اویت دیر.
اما، بیر قطار سناتورلر همکارلیک بولیشنی ایستهگنلر. سناتورلردن بیری رناترین، قیزیل یریم آی ادارهسیگه همکارلیک قیلیش اوچون باشقهلرگه توسیق بولمسلیک لازم دیگن.
مجلسده بولیب اوتگن جرو بحث دن کیین افغانستانلیک سناتورلر هر آیده آیلیکلریدن بیر مینگ افغانی بیریلیشی اوستیده کیلیشگنلر.
افغانستان قیزیل یریم آی ادارهسی میلادی 2001- ییلده فعالیتگه باشلهگن ایدی و مملکتنینگ کوپینچه ولایتلریده خیریه ساحهده فعالیت قیلهدی. نا دولت تشکیلات سنلمیش قیزیل یریم آی ادارهسی کوپینچه انسان پرورلیک یاردم ییتکزیب بیرهدی.
