هلمند ولایتی موسی قلعه ولسواللیگیده قوراللی طالبلرنینگ بیر مرکزی خلق ارا هوا کوچلری آرقهلی هجوم آستیگه آلینگن. نتیجهسیده اوشبو تومن اوچون طالبلر تامانیدن ولسوال ایتیب تعینلنگن ملاطالب و بو حرکتنینگ ییریک قوماندانلریدن الزرقاوی 30 یولداشی بیلن اولدیریلگن.
مذکور اوروشده جنگری طالبلرنینگ 30 نفری تن جراحتی آلگنی ایتیلهدی.
هلمند ولایت والیسینینگ سوزلاووچیسی عمر زواک نینگ سلاموطندرگه بیلدیریشیچه، جمعه کیچهسی جنگری طالبلر امنیتی کوچلر اوستیگه هجوم قیلگن، سونگ موسی قلعهده ییرلشگن خارجی کوچلر افغانستان ملی کوچلری ایستهگی اساسیده هوادن عملیات باشلهگن.
هجوم موسی قعله ولسواللیگینینگ ختکی منطقهسیده عملگه آشیریلگن. ایتیلشیچه، اوروشده عصیانچی طالبلرنینگ برچه حربی جهازلری افغانستان ملی کوچلری تامانیدن ایشدن بوشهتیلگن.
هلمند ولایت والیسینینگ سوزلاووچی هجومدن سونگ طالبلر اوروش چیزیغیدن آرتگه چیکینگنلر دیگن.
بوندن آلدین موسی قعله ولسواللیگینینگ اهالیسی ملی کوچلرگه مرکزی حکومتدن همکارلیک بولمهگن تقدیرده، تیزلیکده موسی قعله ولسواللیگی قوراللی طالبلر نظارتیگه اوتیشی بارهسیده آگاهلنتیرگن ایدی.
جنگری طالبلر هنوزگچه موسی قعله ولسواللیگی امنیتی همده خارجی کوچلر آرقهلی هوادن اوتکزیلگن هجوم بارهسیده هیچ نرسه تیلگه آلمهگن.
