زابل ولایتینینگ محلی بلند مرتبهلی رسمیلری، کابل – قندهار عمومی یولیده اوغیرلگن 30 یولاووچینی آزاد قیلیش اوچون مخصوص حربی عملیات باشلگن لیگینی ایتگنلر.
اوتگن کیچه باشلنگن بو حربی عملیاتنی هنوز دوامی بارلیگی ایتیلهدی. اوتگن هفته دوشنبه کونی زابل ولایتی نینگ شاهجوی ولسوالیگیده نامعلوم شخصلر تامایندن 30 یولاووچی اوغیرلگن ایدی. ایتیلیشیچه، اوغیرلنگنلر ولایت نینگ خاک افغان ولسوالیگیگه آلیب باریلگن.
گرازشلرده، اوغیرلنگنلر برچه سی ایراندن قیتگن مهاجرلردن عبارت بولگن. اولر قندهاردن کابل کیله دیگن بیر چاغده اوغیرلگن ایدیلر.
زابل ولایت کینگشینینگ باشلیغی عطا جان نینگ بیلدیریشیچه، ملی کوچلر تامانیدن اوتکزیلگن حربی عملیاتده هنوز گچه دولت قوراللی مخالفلریگه آغیر تلفات ییتکزیلگن لیگینی ایتگن.
عطا جان، تلفات سانی باره سیده انیق معلومات بیریشمه گن. عین حالده، شاه جوی تومنینینگ ولسوالی عبدالخالق ایوبینینگ سلام وطندارگه بیلدیریشیچه، عملیاتده جنگریلرنینگ32 نفری هلاک ایتیلگن.
او، یره لگنلر حقیده انیق معلومات قولده ایمس لیگینی ایتگن. ایتیلیشیچه، افغانستان ملی کوچلری بیلن آدم اوغیرلاووچی گروه اورته سیده اوروش دوام ایتماقده.
عملیات قندهار ولایتینینگ امنیه قوماندانی جنرال عبدالرزاق رهبرلیگیده اوتکزیله یاتگنلیگی ایتیلهدی. زابل ولایت کینگشینینگ رییسیگه کوره، آدم اوغیرلاووچیلر داعش یا – ده طالبلر گروهی بولگنلیگی حاضرگه قدر هم انیق معلوم بولمه گن.
محل یشاووچیلری یولگه قوییلگن حربی عملیاتنی خوش قرشیلیب، اهالی ملی کوچلردن عادی اهالیگه تلفات ییتکزیلمس لیگینی سوره گن.
شاه جوی ولسوالی، منطقه ده حربی عملیات یولگه قوییلمسدن آلدین، عادی اهالیگه جانی تلفات ییتکزیلمسلیگی اوچون منتظم برنامه نظرده توتیلگن لیگینی بیلدیرگن.
بوندن آلدین زابل و جاغوری ولسوالیگینینگ قوم یاش اولوغلری، دین عالملر و آقسقاللر ایکی مرته آدم اوغیرلاووچیلر بیلن مذاکره قیلیب، اوغیرلگنلر آزاد ایتیلیشی اوچون ایجابی نتیجه قولگه کیریته آلمه گن ایدیلر.
هنوزگچه هم، دولت قوراللی مخالفلریدن عبارت طالبلر تامانی بو حقده هیچ نرسه دیمه گن.
