قندوز ولایتیده قوراللی طالبلر قولیدن قاچگن اوقوچینینگ ایتیشیچه، مذکور گروه قندوز شهرینینگ خان آباد بندریده قتل گاه توزهتگنلر. شرعیات فاکولتهسینینگ محصلی عبدالقدوس اوتگن کون (یکشنبه) کیچ قرون کابلدن تخار تامان حرکتده بولگنده طالبلر تامانیدن قولگه آلینیب تحقیق ایتیلگندن کیین کلتکلهنیب انسانلر باشی آلینهدیگن قتل گاه گه آلیب باریلهدی.
عبدالقدوسگه کوره، طالبلرنینگ انسانی قتلگاهی خان آباد بندریدهگی پامیر تویلر سانونی آرقهسیده جایلشگن و جنگری طالبلر قولگه آلینگنلرنی هوتل همده ایکّی حویلی ایچکیریسیدن قتلگاه گه آلیب بارهدی.
عبدالقدوسنینگ حکایه قیلیشیچه، طالبلرنینگ مذکور کشتارگاهیده قوراللی آدم اولدیرووچیلر بالته (تبر) و ساتور بیلن انسانلر باشینی کیسهدی. اونگه کوره، مذکور کشتارگاهده یاش ییگیتلرنی چیلبیرگه باغلیب تحقیق قیلگندن سونگ باشینی تنهسیدن کیسیب آلهدی.
شونینگدیک عبدالقدوس انسان باشینی کیسهدیگن کیشیلر، باشقه بیر تیلده صحبت قیلهدی دیب و اولر افغانستانلیک ایمس دیگن. اونینگ سوزلریگه قرهگنده، اولر «الله اکبر» نی تیلگه آلیش بیلن انسانلرنی قربان قیلهدی.
قوراللی طالبلر تامانیدن برماغی کیسیلگن مذکور محصلگه کوره، قان و جسدلرگه تولیب تورگن حوضنی مذکور اویده کوزهتیش ممکن. عبدالقدوس قتل گاه آلیب باریلگنده کوزی بیلن بیر یاش نینگ باشی تنهسیدن کیسیلگن لیگیگه گواه بولگن لیگینی ایتگن.
بوندن نیچه کون آلدن عفو خلق ارا تشکیلاتی قوراللی طالبلر عاموی قیرغین قیلیش، جنسی تجاوز و تینچ اهالی ییش اویلرینی تینتاو قیلگن لیگینی ایتگن ایدی.
جنگری طالبلر عبدالقدوسنینگ برماغی و یولداشینی ایسه قولینی کیسگندن کیین، بولر طالبلرنی همکاری بولگن قندوزلیک بیر کیشی واسطه چیلیگیده قوییب یوباریلهدیلر.
اما، محمدحسن حقیار کوندهلیک یازووچی و طالبلر تیزیمی کانلر وزیرلیگینینگ اورین باسریگه کوره، مذکور ایش جنگری طالبلر تامانیدن عملی بولمهگن ممکن افغانستان خلقی اورتهسیده ایرمه چیلیک همده توقنشوو یرهتیش اوچون خارجی استخبارات ترماقلری نینگ بو ایشده قولی بولسه.
جناب حقیارگه کوره، قوراللی طالبلر گروهی ایچیده افغانستان نینگ ایریم قوملریدن موجود اولرنینک کوپچیلیگی شمالده اوروش قیلهدی، اونینگ سوزلریگه کوره، حاضرده قطرده طالبلرنینگ سیاسی نمایندهلیگی اعضالریدن بیری قاری دین محمدحنیف بدخشان ولایتی نینگ تاجیکلریدن دیر. شونینگدیک طالبلر تیزیمیده هم مملکتنینگ تورلی قوملریدن بولگن شخصلر حکومت نینگ بلند مرتبهلی لوازملریده وظیفه قیلگن.
اونگه کوره، بو ایش عملگه آشیریلیشی « بیر جنایت همده اسلامگه ضد» بیر عمل دیر.
عین حالده، عفو خلق ارا تشکیلاتی اوزینینگ گزارشیده قوراللی طالبلر قندوز شهریگه ییتگندن سونگ اوشبو حرکت اوچ کون ایچیده عاموی قیرغین، جنسی تجاوز و اهالی اویینی اوز باشیمچه تینتاو قیلیشگه قول اورگن لیکلری یازیلگن.
اوشبو گزارش نشر ایتیلگندن کیین جمهور رییسلیک سرایی هم طالبلر قندوز شهریده جنایت قیلگن لیگینی تصدیقلب افغانستان دولتی بو بارهده تیکشیروو اوتکزیشی نی بیللی قیلگن.
