ارزگان ولایتینینگ امنیه قوماندانی جنرال مطیعالله اوتگن کیچه کابل شهریده هوتللریدن بیریدن اوغیرلنگندن سونگ اولدیریلدی. اوز نامی فاش ایتیلیشینی ایستمه گن مطیعالله عایله سینینگ بیر اعضاسینینگ سلام وطندارگه ایتیشیچه، پنجشبنه کیچه سی ساعت 7ده جناب مطیعالله بیلن کابل هوتللریدن بیریده بولگن، اما ایرتلب ساعت آلتی ده جنرال مطیعالله نینگ جسدی کابل شهرینینگ آلتینچی ناحیه سیده تاپیلگنلیگی باره سیده قونغراق کیلگن.
بیراق کابل امنیه قوماندانلگی جنایی جرملرگه قرشی کورهش اداره سینینگ رییسی فرید افضلینینگ سلام وطندارگه بیلدیریشچه، اوتگن کیچه کابلنینگ آلتینچی ناحیه سیده باشیده چادر بولگن بیرکیشی آرقهلی انتحاری هجوم عملگه اشیریلدی.
جناب افضلیگه کوره، بو ناحیهدن بیر جسد تاپیلگن، مذکور جسد طبی تیکشیرودن اوزتکزیلگندن سونگ ارزگان امنیه قوماندانی مطیعالله نینگ جسدی بولگنی انیقلنگن. اما، مذکور خبرنی مطیعالله عایله سی رد قیلیب، جنرال مطیعالله انتحاری هجومده قربان بولگن لیگینی صدیقله گن.
عین حالده، طالبان حرکتینینگ سوزلاووچیسی قاری یوسف احمدی مدیاگه بیر پیام یوللب ارزگان امینه قوماندانی اولدیرلگنلیگی مسؤولیتینی بو حرکت ذمه سیگه آلگن. جنرال مطیعالله خان ولایت امنیه قوماندانی بولگن لیگیدن تشقری، ولایت قوم یاش اولوغلریدن همده پوپلزی قومینینگ بویوکلریدن بولگن
