سرپل پولیس قومندانلیگی سوزلاوچیسی نورآغا فیضی نینگ ایتیشیچه، اوشبو ولایت مرکزی ده یول چیکَّهسیده ییرلشتیریلگن ماین پارتلهشی عاقبتیده 3 تینچ اهالی جان بیرگن و باشقه عیاللر و بالهلر شامل 4 کیشی یرهلنگن.
فیضی گه کوره، اوشبو پارتلش بوگون «سهشنبه، 13- جوزا» ایرتهلب سرپل مرکزی گه تیگیشلی «آقتاش» منطقهسیده، تینچ اهالی مینیلگن بیر سراچه موتر طالبان گروهی تامانیدن یول چیکَّهسیده ییرلشتیریلگن ماین گه دوچ کیلگن بیرچاغده یوز بیرگن.
اوشبو واقعه یرهدارلری دارولنیش اوچون کسلخانه گه انتقال بیریلگن.
شونینگدیک، اوتگن کون قندوز ولایتی نینگ خانآباد تومنیده عادی ایشلاوچیلر مینیلگن بیر زرنج طالبان گروهی تامانیدن یولده ییرلشتیریلگن ماین گه دوچ کیلگن و نتیجهده ایشلاوچیلردن 7 تهسی هلاک و باشقه 6 تهسی یرهلنگن.
طالبان گروهی حاضرگهقدر بو واقعه توغریسیده هیچ نرسه دیمهگن.
