غزنی پولیس قومندانلیگی بیر خبرنامه نشر قیلیب ایتیشیچه، طالبان گروهی 3 تینچ اهالی و 2 پولیس نی آتیب اولدیرگن و اوندن کیین جسدلرینی شفقتسیز شکلده بیر موترنینگ ایچیده اوت بیرگن.
اوشبو واقعه اوتگن کون «یکشنبه، 28- ثور» غزنی ولایتی نینگ جغتوی تومنی قیاق درهسی گه تیگیشلی منطقهده یوز بیرگن.
غزنی محلی مسؤوللری نینگ ایتیشلریچه، تینچ اهالیلر مالستان تومنی نینگ یشاوچیلری و عسکرلر رشیدان تومنی نینگ پولیس قومندانلیگی دن ایکن.
غزنی مسؤوللری گه کوره، بو کیشیلر بیر سراچه موتر بیلن غزنی شهری تامان کیتهیاتگن ایکن.
طالبان گروهی حاضرگچه بو توغریده هیچ نرسه دیمهگن.
