غور ولایت کینگشی اورین باسری عبدالرحمان عطشان نینگ ایتیشیچه، اوتگن کیچه مذکور ولایت مرکزی فیروزکوه شهری نینگ جنوب-شرقی ده بندبایان پوستهسی اوستیگه طالبان گروهی هجوم قیلگن.
غور ولایت کینگشی نی باشقه بیر اعضاسی عبدالبصیر قادری نینگ ایتیشیچه، بو واقعهده 4 جنگری طالب هلاک بولگن و امنیتی کوچلر هم قربانلیک بیرگن.
غور مرکزی کسلخانهسی باشلیغی محمدنصیر نذیری نینگ ایتیشیچه، بو کسلخانه گه 9 عسکرنینگ جسدی و 5 یرهلی آلیب کیلینگن. نذیری گه کوره، واقعه یرهدارلریدن بیری نینگ احوالی آغیر دیر.
اوشبو واقعه قربانلری نینگ عایلهلری، عزیزلری نینگ جسدلرینی کوتریب مذکور ولایت بِناسی برابریده ناراضیلیک بیلدیریب محلی مسؤوللر و امنیتی رسمیلرنی دقتسیزلیک و ظرفیتسیزلیککه عیبلگنلر.
عین حالده، محلی منبعلردن بیرقطاری نینگ ایتیشیچه، بو واقعه ده امنیتی کوچلردن 14 تهسی هلاک و باشقه بیرقطاری درکسیز یوقالگن.
غور حاکمی سوزلاوچیسی عبدالحی خطیبی، اوشبو واقعه نی تصدیقلیدی، بیراق ایتیشیچه، یوز بیرگن واقعه قربانلیگی حاضرگچه معلوم بولمهگن.
شوندهی بیرحالده، 207 ظفر قول اردو قومندانلیگی بیر خبرنامه ترقهتیب ایتیشیچه، غور ولایتی نینگ بندبایان منطقهسیده امنیتی کوچلرنینگ تازهلش عملیاتی نتیجهسیده 8 جنگری طالب هلاک و باشقه 6 جنگری طالب یرهلنگن.
خبرنامه ده کیلیشیچه، بو عملیات ده طالبان گروهی نینگ 1 موتری و 6 موترسایکلی نابود ایتیلگن.
عین حالده، پروان ولایتیدن ییتیشگن گزارش گه کوره، بوگون «شنبه» مذکور ولایت نینگ یشاوچیلریدن یوزلرچهسی خلازهیی و رباط قیشلاقلریده ملی خوفسیزلیک ریاستی نینگ 01 قطعهسی کوچلری نینگ عملیاتی نتیجهسیده بیرقطار تینچ اهالی هلاک ایتیلگنی گه قرشی ناراضیلیک بیلدیریب کابل-پروان قتناو یولی نی ترافیک یوزیگه باغلهگنلر.
اعتراضچیلرنینگ ایتیشیچه، ملی خوفسیزلیک کوچلری پروان ولایتی نینگ ایکی قیشلاغیده حربی عملیات یولگه قوییب 7 تینچ اهالینی اولدیرگن و باشقه 12 کیشی نی اوزلری آلیب کیتگن.
اعتراضچیلرنینگ آگاهلنتیریشیچه، قولگه آلینگن کیشیلر قوییب یوباریلگونگهقدر توسیلگن قتناو یولنی ترافیک یوزیگه آچمهیدیلر.
عین حالده، پروان پولیس قومندانی محمدمحفوظ ولیزاده، عملیات اویوشتیریلگنینی تصدیقلیدی، بیراق عملیات قربانلیگی توغریسیده هیچ نرسه دیمهیدی.
شوندهی بیرحالده، آتی فاش ایتیلیشینی ایستمهگن ایشانچلی بولگن امنیتی بیر منبع نینگ سلاموطندارگه ایتیشیچه، اویوشتیریلگن عملیات نتیجهسیده 6 طالب هلاک و باشقه 14 تهسی قولگه آلینگن.
شونینگدیک، لوگر ولایتی نینگ یشاوچیلریدن یوزلرچهسی، پولیس تامانیدن بیر عیال هلاک ایتیلگنی گه قرشی ناراضیلیک بیلدیریب کابل-گردیز قتناو یولینی توسگنلر.
عین حالده، لوگر حاکمی سوزلاوچیسی دیدار احمد لونگ نینگ سلاموطندارگه ایتیشیچه، اولر ایریم شکایتلرنی رویخطگه آلگن و بو قیینچیلیک اساسی شکلده حل ایتیلیشی اوچون بیر کمیسیون تشکیل ایتیلگن.
