ننگرهارده 5 هجومچی بیر ساختمانی شرکت اوستیگه هجوم قیلیب نتیجهده 16 تینچ اهالی هلاک ایتیلیب و باشقه 9 کیشی یرهلنگن.
بوگون "چهارشنبه" ایرتهلب 5 انتحارچی کیشی جلالآباد شهریده بولگن «ای بی آی» ساختمانی شرکتی اوستیگه هجوم قیلگنلر.
ننگرهار حاکمینی سوزلاوچیسی جواد خوگیانینینگ ایتیشیچه، هجومچیلردن ایکی تهسی یانیده بولگن پارتلش مادهنی بو شرکتنینگ کیریش ایشیگی برابریده پارتلتگن و باشقه 3 هجومچی مذکور شرکت بناسیده کیرگنلر.
جناب خوگیانیگه کوره، بو واقعه گه «ای بی ای» ساختمانی شرکت ایشلاوچیلریدن 16 تهسی هلاک ایتیلیب و باشقه 9 تهسی یرهلنگن دیر.
ننگرهار حاکمینی سوزلاوچیسینینگ کوپهیتیریشیچه، مذکور هجوم 8 ساعت آتیشمهدن سونگ، یکونلنگن.
بیر منبعنینگ کیملیگی سیر قالیشنی ایستهب سلاموطندارگه ایتیشیچه، «ای بی ای» ساختمانی شرکت آمریکالیکلرگه تیگیشلی ایکن.
حاضرگهقدر هیچ بیر گروه بو واقعه مسوولیتینی بوینیگه آلمهگن.
