خدابخش یولیگه آنم کوپ ییغلهگنی اوچون کوزلرینی سووی آزهیگن. کیچهو کوندوز ییغلهیدی و نیچه کون بولهدی یورهک باسقینچیگه یولیقگن.
31 یولاوچیلردن بیرینینگ ایناغهسی علیمحمد دیر، آنهسینینگ ساغلیق وضعیتیدن خواطر کورسهتیب، عایله سی اقتصادی قیینچیلیکلر بیلن یشب کیلماقدهلر و هیچ کیم هم اولرگه یاردم بیرمهگن.
اونگه کوره، اوغیرلنگن یولاوچیلر برچهسی قشاق عایلهلردن بولهدی و حکومت باید بولرنی انتیقلیگینی پایانیگه ایتکیزسه.
بو 31 یولاوچی اوتگن ییل 4- حوتده کابل-قندهار شاه یولی زابل ولایتینینگ شاهجوی تومنیگه تیگیشلی منطقه سیدن یوزی یاپیلگن تانیق سیزکیشیلر تامانیدن اوغیرلنگن ایدیلر و حاضرگه قدر اولردن قیسی خبرقولده ایمس.
علیمحمدنینگ ایتیشیچه، ملی امنیت کینگشینینگ اولتیریشیده جمهور رییس اوغیرلنگنلر وضعیتی توغری سیده ملی امنیت باشلیغی ایکی یا اوچ کون مابینیده اولرنی خبر بیرهدی دیب وعده بیرگن ایدی؛ اما حاضرگه قدر ملی امنیت باشلیغی تاماندن یولاوچیلر توغری سیده بولرگه بیرنرسه ایتیلمهگن.
ینه بیرتاماندن مجلس نمایندهلری 31 یولاوچی توغریسیده پروا سیزلیک قیلگنلیگی و اولکه سونگی ناتینچلیکلریدن خواطردهلر.
مجلس اعضاسی بولمیش غلامحسین ناصرینینگ کینگش اولتیریشیده ایتیشیچه، اوغیرلنگنلر اوچون 6 میلیون دالر مصرف قیلگنمیز دیگن سوزلرینی باید جمهور رییس جواب بیرسه.
جناب ناصری اوتمیشده کرزی جنابلری قنچه میلیون دالرنی ملاعمر نمایندهسیگه پول بیرهمن دیب پاکستان کویته شهرینینگ دکاندارلریدن بیریگه بیرگن ایدی، جمهور رییس غنی هم زابل دکاندارلریدن قیسی سیگه بیرگن بولمه سین دیدی.
جمهور رییس غنی ایرانده قیلگن سفریده افغان اوقوچیلری بیلن اوچرهشگنده، حاضرگه قدر اوغیرلنگن یولاوچیلر اوچون 6 میلیوندالر »یوکسک» بیرنظامی عملیات « یمان» بیرشرایطده مصرف قیلدیک دیگن ادعاسینی قیلگندی.
مجلس نمایندهلریدن ینه بیری کبرا مصطفویگه کوره، 31 یولاوچینینگ اوغیرلش قضیه سیدن نیچه آی اوتهدی، حاضرگه قدر حکومت بولرنی اوُلی تیریک لیگیدن عایله اعضالریگه معلومات بیرالمهگن.
اوغیرلنگن یولاوچیلر قویب یوباریلیشی اوچون مدنی جامعه فعاللری و یولاوچیلر عایله اعضاسی28 کوندن بویان کابل زرنگار پارکیده تحصن خیمه سینی تیکیب اولتیریگنلر و حکومتدن بولر توغری سیده تیزلیکده معلومات بیریب اولرنینگ اینتیقلیگیگه پایان بیرسین.
اولرگه کوره، حکومت اوغیرلنگن یولاوچیلر قوییب یوباریلیشی اوچون حکومت بیر ایش قیلمه گونگه قدر، بولر تحصنلرینی دوام بیرهدیلر.
ناتینچلیکلر کوپهیشی و طالبلرنی بهاری هجوم ایلتیشلری باشلهنیشی بیلن، کورینیشیچه، حکومت رسمیلری 31 یولاوچینی قوییب یوباریلیش مسالهسینی ایسدن چیقارگنلر و اولرنی قویب یوباریش ایشی حکومت بیرینچی ایشلریگه قرار تاپمهگن.
