.jpg)
هلمند-قندهار یولاوچیلری و هیداوچیلر ایکی کوندن بیری مذکور شاه یول باغلنگنلیگیدن خبر بیرهدیلر. اولرگه کوره، طالبلر یول آقیمیده اوچ منطقهگه ماین اورنتگن. بو یولاوچیلر و هیداوچیلرنینگ ایتیشلریچه، شاه یول آقیمیدهگی امنیتی کوچلر پوستهلری سانی آزليگی سبب طالبلر بیلن یوزمه یوزاوروش قیلیشگه کوچلری ییتمهیدی.
هلمند ولایتی کینگشی باشلیغی محمدکریم اتل هم بوخبرنی تأیید قیلیب، نیچه آیدن بیری اوشبو یول ناتینچ بولگن دیگن. جناب اتل، مذکور یول امنیتینی تأمین قیلیش مسولیتی اوز ارا قیینچیلیگی بولگن ایکی قومندان قولیده دیب تأکید قیلهدی.
هلمند ولایتی کینگشی باشلیغی هلمند-قندهار شاه یولی امنیتینی تأمین قیلیشیگه هم پولیس مسوول و هم اردو، باید بولردن بیری مذکور یول امنیتی اوچون مستقل شکلیده مسوولیت آلیشی لازم دییدی.
_Copy1.jpg)
بیراق هلمند والیسی نینگ سوزلاوچیسی عمر زواک نینگ ایتیشیچه، اوشبو یول نیچه کون یاپیق قالهدی و تیزلیکده معمالر حل ایتیلهدی. اونگه کوره، شاه یول امنیتی اوچون پاکلش عملیات یولگه قویلگن و شوحاضر امنیتی کوچلر یول آقیمیده پوسته قوییش ایشی بیلن مصروفلر.
شاه یول امنیتی کندک قومندانی عبدالستار نورزایی نینگ سلاموطندارگه ایتیشیچه، بیر پارتلش نتیجهسیده ایکی پولیس جان بیرگن و باشقه تورت کیشی یرهلنگن. جناب نورزایی نینگ کوپهیتیریشیچه، طالبلر یولگه ماین اورنهتیشیگه قوشیمچه، امنیتی پوستهلر عسکرلریدن تورتهسینی هم اوزلری بیلن بیرگه آلیب کیتگنلر.
ایکی آی آلدین هم اوشبو یول ایریم دلیللر بیلن ۴۵ کون ترافیک یوزیگه یاپیق قالگن ایدی و پاکلش عملیات یولگه قویلیشی بیلن یولاوچیلر یوزیگه آچیلگن ایدی.
مذکور ۴۷ کیلومترلیک یول امنیتی تأمین ایتیلیشی اوچون ۶۰۰ عسکر آیلیک آلهدیلر.
