.jpg)
هلمند ولایت کینگشی مذکور ولایت خوفسیزلیگی اوچون جدی اعتبار قرهتیلمهگن حالده، بو ولایت هم قندوز ولایتی تقدیریگه اوچیشی بارهسیده آگاهلنتیرگن.
بوگون سلاموطندار بیلن صحبت قیلگن اوشبو کینگشنینگ کمیته باشلیغی بشیراحمد شاکرنینگ سوزلریگه کوره، آخرگی وقتلرده ولایتده نابرقرارلیک میزانی کوزگه کورینرلی درجهده آشگن و حاضر ولایتنینگ 70% دولت قوراللی مخالفلری تامانیدن تصرف ایتیلگن.
جناب شاکر، ملی کوچلر فقط ولایتنینگ تورت ولسواللیگیده چکیلهنیب قالگن دیگن.
شونینگدیک هلمند ولایت پولیس قوماندانی عبدالرحمان سرجنگنینگ سلاموطندار بیلن صحبت اوتکزیب آخیرگی پیتلرده نابرقرالیکلر آشگنلیگینی تصدیقلب، اما، ولایت کینگش ادارهسی رسمیلری ادعالرینی حددن تشقری دیگن. جناب سرجنگگه کوره، ملی کوچلر جنگریلر نابود ایتلیشی اوچون تازهلش عملیات اوتکزگن و بو ساحهده آلغه جیلیشلر بار. او، ولایتنینگ برچه حدودلریده امنیت یخشیلنگن لیگینی تیلگه آلگن.
.jpg)
هلمند ولایت اورین باسری سوزلرینی اساسسیز دیگن ولایتنینگ اوشبو بلند مرتبهلی رسمیسی بو گپلر ادعادن بولک نرسه ایمس دیگن.
هلمند ولایت اورین باسری محمدجان رسولیار اوتگن کون فیسبوک صحیفهسیده ولایت خوفسیزلیک وضعیتی کون ساین اوتیشی بیلن یامانلشیب بارماقده دیگن ایدی.
عین حالده، بوندن نیچه کون آلدین افغانستانده ییرلشگن خلق ارا کوچلرینینگ حربی قوماندانی جنرال جان کمپل اوشبو ولایتنینگ امنیتی یخشیلهنیشی اوچون جدی تدبیر آلیشینی بارهسیده خبر بیرگن ایدی. هلمند ولایتیگه سفر قیلگن جان کمپل، ولایتده ییرلشگن ملی کوچلر جهازلهنیشیدن سوز بیرگن ایدی.
