بوگون هرات ولایتیده « ترورچیلیک و افراطیت اسلام، دنیا و افغانستان» اوچون تهدید دیب ناملنگن ییرک ییغینده اشتراک قیلگن دین عالملری مذهبی اشدیچیلیک غرب دولتلرینی افغانستان و اسلام مملکتلریده روالجنتیریگن سیاستی دیگنلر.
ییغین اشتراکچیلریدن بیری افغانستان اسلامی نهضت رهبری مولوی محمد مختار مفلح نینگ سوزلریگه کوره، دین عالملری بوندن بویان بو قسم ییریک ییغینلرنی اوتکزیش بیلن ترروچیلیک ایلدیزلری دلیللرینی تاپیش اوچون سعی وحرکت قیله دیلر. جناب مفلح، غرب دولتلری اسلام دینی بدنام قیلیش اوچون اولگورهدی دیگن؛ حال بوکه ترورچیلیکنینگ اصلی مرکزلری واشنگتن، پاریس و لندن ده دیر.
شونینگدیک افغانستان اسلامی نهضت رهبری اسلام دنیاسیدهگی اشدیچیلیک و ترورچیلیکنینگ باشقه دلیللریدن بیری ایسه غرب دولتلری اینیقسه امریکه اسلامی اشدی گروهلرنی ایجاد قیلیش بیلن دنیا بولیب اسلام سیماسینی دهشدتلی کورسهتیش اوچون قتیق سعی و حرکت قیلهدی دیگن. اونگه کوره، امریکه بوندهی بیر حرکتنی یولگه قوییش بیلن اتم قورال اسلحهسینی اسلام دولتلریگه ساتیشگه اولگورهدی.
بوندهی ییغینلر اوتکزیلیشینی خوش قرشیلهگن ولایت والیسینینگ اورین باسری اصلالدین جامینینگ سوزلریگه قرهگنده، اشدیچیلیکنی اسلام جامعهسیده اورنی یوق و اسلام دشمنلری ایسه اسلامی دولت حرکتی (داعش) گروهینی وجودگه کیلتیریش بیلن اسلامنی هیچ بیر زمان بدنام قیله آمیدی لر دیگن.
هراتلیک باشقه بیر دین عالم علی توکلی، اشدیچیلیک حاضرگی کونده جامعهده جدی صورتده شکلنماقده دیگن. جناب توکلیگه کوره، اسلامی اشدیچیلیکنینگ ایچکی و تشقی عامللری بار، اهالی بیر قسمینینگ سوادسیزلیگی مملکتده افراطیت شکللنیشی نینگ باشقه بیر اصل عاملی دیگن.
افراطیت اسلام دولتلری انیقسه افغانستانده کون اوتیشی بیلن شکلنماقده. ایتیلیشیچه، ایریم اشدی گروهلر جملهدن طالبلر و داعش ایسه مملکت یاشلرینی اوز صفیگه آلیش اوچون هر تامانلمه فعالیت قیلهدی.
