اجرایی ریاست رسمیلرینینگ ایتیشیچه، جمهورلیک سرایی سیلاوگه اصلاحات کیلتیرهدیگن کمیسیون ریاستیگه قلابکارلرنی پیشنهاد قیلگن و شو اوچون هم مذکور کمیسیون ایشی کیینگه قالگن.
اجراییه ریاست سوزلاوچیسینینگ اورین باسری جاوید فیصلنینگ بیلدیریشیچه، جمهور رییس و اجرایی ریاست باشلیغی ارا سیلاو کمسیونلریگه اصلاحات کیلتیرهدیگن کمیسیون باشلیغینینگ تنلش تارتیشوولر دوامی بار و حاضرگه قدر ایکی تامان نهایی نتیجه گه ایریشمهگنلر.
جناب فیصل حکومت باشلیغلری تامانیدن سیلاوکمیسیونیگه اصلاحات کیلتیریش ریاستیگه قرمه قرشیلیکلر دلیلی، جمهور رییس تامانیدن قلابکارلرمعرفی بولیشی خصوصیده دیب بیلهدی.
اونگه کوره، جمهورلیک سرایی اوتمیش جمهورلیک سیلاویده قلابکارلیکلرگه قول اورگن کیشی نینگ سیلاو اصلاحاتی کمیسیون ریاستیگه معرفی قیلگن ایکن.
جناب فیصلنینگ کوپهیتیریشیچه، حاضرگه قدر مذکور کمیسیون ایشی باشلهنیشی و اونینگ باشلیغی تنلهنیشی انیقلنمهگن.
فیصلنینگ ایتیشیچه، اجرایی ریاستی سیلاوگه اصلاحات کیلتیریش خصوصیده حساس دیر و اوتمیش سیلاولردهگی قلابکارلیکلرگه قولی بولمهگن کیشی تنلهنیلیشینی ایستهیدی، اونگه کوره سیلاونظامیگه اصلاحات کیلتیریشگه ایشانچی بولسه.
شونینگدیک جمهورلیک ریاست سوزلاوچیسینینگ اورین باسری سیدظفر هاشمی بوبارهده فکر بیلدیریش اوچون حاضر بولمهدی.
جمهور رییس غنی کینگش ایشینی تمدید ایتگن بویروغی بیلن بیرگه، کیلهجک بیر آیگه قدر پارلمانی سیلاو زمانی انیقلنهدی دیگن ایدی؛ اما اجرایی ریاستیگه کوره، سیلاونظامیگه اوزگریش کیلمه گونگه قدر، سیلاو تاریخی انیقلنیشی ناممکن.
عین حالده فیفا یا افغانستان سیلاولری ایرکین و عدالت بیلن اوتکزیلهدیگن بنیاد اجرایی باشلیغی محمدیوسف رشیدنینگ سلاموطندارگه ایتیشیچه، حکومت اصلاحات کیلتیریش اوچون بیرگن وعده سیگه عمل قیلالمهگن و بو ایش خلق ایشانچینی حکومت وسیلاو بارهسیده کمیتیرگنلیگینی کورسته دی.
اونینگ کوپهیتیریشیچه، سیلاو نظامیگه اصلاحات کیلتیرهدیگن کمیسیون باشلیغی جمهور رییس و اجرایی ریاست تامانلریدن معرفی بولمهسین؛ نیگه که، ایکی تامان هم مذکور پُستده تنلنه دیگن کیشینی اوزیدن بولیشنی ایستهیدی.
جناب رشیدنینگ بیلدیریشیچه، مذکورکمیسیون باشلیغی باید کمیسیون اعضالری تامانیدن تنله نیلسه؛ بولمهگن صورتده سیلاوگه اصلاحات کیلتیریش ایشی ینه زمان آلیشی ممکن.
بوشوپیتده بوله دیکه ایکی هفته آلدین جمهور رییسنینگ حقوقی مصلحتچیسی عبدالعلی محمدی سیلاوگه اصلاحات کیلتیرهدیگن کمیسیون ایشی کیلهسی بیرهفته گه قالمهسی باشله نیشینی اورغولهگن ایدی، ولی جمهور رییسنینگ حقوقی مصلحتچیسی تامانیدن بیریلگن وعدهدن ایکی هفته اوتیشی بیلن حاضرهم مذکورکمیسیون ایشی معلوم ایمس.
اولکه سیلاولریگه اصلاحات کیلتیریش کمیسیونینینگ ایجاد بولیشی ملی بیرلیک حکومت تشکیل ایتگن سیاسی کیلیشی بیربولیمی دییلهدی.
