افغانستان تینچلیگی بوییچه آمریکا خاص نمایندهسی زلمی خلیلزاد، انسان حقوقی کمیسیونی ایشلاوچیلری نینگ موتری پارتلهتیلگنی نی قارهلب و اونینگ «انسانیت گه قرشی» بیر عمل دیگن.
جناب خلیلزاد بوگون (یکشنبه 8- سرطان) اوز توییتری ده یازیشیچه: «تینچیلککه قرشی کیشیلر اوت بیرماق نی باشلهگن و بو ایشلری کینگ شکلده دوام تاپیشی توغریسیده اولر امیدوار دیر.» اونینگ کوپهیتیریشیچه: «بیزلر افغانستان اهالیسیدن دایمی، عزتلی و حرمتلی بیر تینچلیک اوچون حمایت قیلهمیز.»
اوتگن کون انسان حقوقی کمیسیونی نینگ تمویل قیلهدیگنلرنی اویغونلیک قیلهدیگن بولیم مسئولی فاطمه خلیل و مذکور نهاد هیداوچیسی جاوید فولاد مقناطیسی بیر ماین پارتلشی باعث کابل شهری نینگ 12- خوفسیزلیک حوزهسیده هلاک ایتیلدی.
بو حادثه ایچکی و تشقی عکسالعمللرگه روپهرو بولگن.
جمهورلیک ریاستی بیر خبرنامه آرقهلی مذکور پارتلش نی «انسانیت گه قرشی جنایت» دیگن.
اوشبو خبرنامهده کیلیشیچه، جمهوررئیس سونگی زوروانلیکلرنی تینچلیک توغریسیده بیریلگن تعهدلرگه قرشی دیب و بو حادثهلرنی تیکشیریلیشی نی سورهگن.
ملی مصالحه عالی کینگشی عبدالله عبدالله اوشبو هجوم نی انسانیت گه قرشی و ظالمانه دیب و شونینگدیک امنیتی نهادلردن مذکور تکراری هجوملرنی جدی توتیب و تینچاهالیدن حمایت قیلیش و ترورچیلیک که قرشی کورهشیش اوچون کوپینچه سعی و حرکت قیلیشلرینی سورهگن.
شونینگدیک کابل بوییچه آمریکا، ایتالیا، هالند، هند و ترکیه ایلچیخانهسی بو هجوم نی قارهلگن.
کابل بوییچه آمریکا ایلچیخانهسی نینگ ایشداری راس ویلسن، انسان حقوقی کمیسیون ایشلاوچیلریگه قرشی هجوم تن آلینمهس بیر عمل دیگن.
شونینگدیک کابل ده هالند ایلچیسی ارنست نورمن بو هجوم نی قارهلب ایتیشیچه، بوندهی هجوملر تن آلینمهس دیر و «یالغیز تینچلیک دشمنلری بو ایش نی قیله آلهدی.»
عین حالده کابل بوییچه ایتالیا ایلچیخانهسی مذکور هجوم نی قارهلب ایتیشیچه، تینچاهالی، ساغلیک ایشلاوچیلری و انسان حقوقی نینگ مجریلریگه قرشی هجوملر توختهتیلیشی کیرهک.
کابل ده ترکیه ایلچیخانهسی بو هجوم نی قارهلب ایتیشیچه، مذکور حادثه عامللری عدالت گه تانیشتیریلشی کیرهک.
شونینگدیک کابل بوییچه هند ایلچیسی وینی کومار نینگ ایتیشیچه: «ریجهلنگن قتللر توختهتیلیب و اولرنینگ عامللری و تشقی حمایتچیلری عدالت گه تاپشیریلیشی کیرهک.»
افغانستان بوییچه پاکستان نمایندهسی محمد صادق هم بو هجوم نی قارهلب ایتیشیچه، بو ایش تینچلیک پروسهسینی ناکام قیلیش اوچون سعی و حرکت قیلهدیگن کیشیلرنینگ ایشی دیر.
عین حالده، افغانستان بوییچه ناتو نینگ ملکی ییریک نمایندهسی اوشبو هجوم نی قارهلگن.
آسیا انسان حقوقی نی کوزهتووچی انجمن مدیری پاتریشیا گوسمن، انسان حقوقی کمیسیون ایشلاوچیلریگه قرشی هجوم نی دهشتلی و ظالمانه دیب کوپهیتیریشیچه، بو جنایت نی هیچ قندی توجیهسی یوق.
افغانستان بوییچه اروپا بیرلیگی انسان حقوقی کمیسیون ایشلاوچیلریگه قرشی هجوم نی «دموکراتیک اساسی ارزشلریگه قرشی» هجوم دیگن.
شونینگدیک اوتگن خلقارا کیچیریم تشکیلاتی، افغانستان بوییچه بیرلشگن ملتلر تشکیلاتی نینگ اورینباسرلیک دفتر هیأتی و کابل بوییچه بریتانیا ایلچیخانهسی انسان حقوقی کمیسیون ایشلاوچیلریگه قرشی هجوم نی قارهلگن ایدی.
اوشبو حادثه مسئولیتی نی حاضرگچه بیرار گروه یا-ده شخص بوینیگه آلمهگن.
