جوزجانده داعش اون طالبنی باشینی کیسگن. جوزجان محلی امنیتی مسووللر، حادثه اوتگن کون درزاب تومنی نینگ آقبولاق قیشلاغیده یوز بیرگن دیدیلر.
درزاب تومنی نینگ سرپرستی بازمحمد داورنینگ سلاموطندارگه ایتیشیچه، داعش جنگریلری طالبان نینگ بیر قوماندانی داخل اون اعضاسینی آقبولاق منطقهسیدن قولگه آلیب، باشینی کیسیب اولدیرگن.
نامی فاش بولمسلیک شرطی بیلن سلاموطندارگه صحبت بیرگن امنیتی بیر منبع، جنگری طالبان نینگ بو اعضاسی مولوی باقیگه قرهشلی دیدی. بولر فاریاب ولایتی نینگ بلچراق تومنیدن جوزجان نینگ درزاب تومنیگه همکارلریگه یاردم بیریش نیتده کیلگن دیدی منبع.
باشقه تاماندن جوزجان امنیتی ادارهلرینینگ رهبرلری، ولایتده داعش جنگریلرنینگ بیش قوماندانی نابود قیلینگن لیگی بارهسیده خبر بیرگنلر. جوزجان پولیس قوماندانلیگی نینگ امنیت آمری عبدالحفیظ خاشی، داعش جنگریلرنینگ مذکور اعضالری قوشتپه تومنی نینگ آقسای و چقمهچقور قیشلاقلریده اقش نینگ اوچوچیسیز باشقریلهدیگن طیارهلری بیرگن ضربه عاقبتیده ناوبد بولگنلر دیگن.
اونینگ سوزلریگه کوره، حزبالله، جابر، عثمان، داملامهدی وقاری محبالله بو حرکت نینگ قوماندانلریدن حسابلنهدی. جنگری طالبان و داعش هلیگچه بو توغریده بیرار نرسه دیمهگن.
