.jpg)
میدان وردک ولایتی نینگ سیدآباد تومنیگه کیلیب توشگن بیر هاوان نتیجهسیده بلاغتگه ییتمهگن 3 گودک قربان بولگن. میدان وردک محللی مسووللریگه کوره، اوشبو حادثه اوتگن کون توشدن سونگ سیدآبادنینگ زرین خیل منطقهسیده امنیتی کوچلر بیلن طالبان اورتهسیده آتیشمه جریانی بولگن پیتده یوز بیرگن دیدیلر.
وردک ولایتی والیسینینگ سوزلاوچیسی عبدالرحمان منگل نینگ سلاموطندارگه ایتیشیچه، اوروش جریانیده بیر هاوان نینگ اوقی سیدآباد تومنیده غلام حضرت ناملی شخص نینگ اوییگه توشگن. نتیجه ده بلاغتگه ییتمگهگن 3 گودک هلاک بولیب بیر عیال ایسه یرهلنگن.
میدان وردک ولایتی والیسی نینگ سوزلاوچیسی، محل اهالیسی اوشبو هاوان ملی کوچلر طرفیدن آتیلگن لیگینی ادعا ایتگنلر دیگن. سوزلاوچی، والی اوشبو هاوان اوقینی آتگن حربی عسکر تانیلیب قولگه آلینیشی اوچون بویروغ بیرگن دیدی.
