افانستان سنا مجلسی نینگ اعضالری حوت آیی نینگ 9- سیده اوتکزگن عمومی اولتیریشلریده تینچلیک مذاکرهلر عوضیگه پاکستان دولتیگه هیچ بیر امتیاز بیریلمسلیگی اوستیده تاکیدلهگنلر.
سنامجلسینینگ باشلیغی فضلهادی مسلمیارنینگ ایتیشیچه، پاکستان افغانستان تینچلیک مذاکرهلریدهیلغان دن فایدهلنهدی. اونگه کوره، افغانستان بو توغریده جوده حساس بولیشی لازم.
جناب مسلمیارگه کوره، طالبلر بیرق و لباسلرینی اوزگرتیریش اورنیگه، اوز فعالیتلریگه اوگزریش کیرتیب ترورچیلیک عمللردن قول کوتاریشلری درکار.
او، افغانستانده تینچلیک تامین ایتیلیشی پاکستان اوچون امتیاز بولگن حالده، مساله دیورند چیزیغی اوچون هیچ قندهی علاقهسی یوق لیگینی بیلدیرگن. بیز هیچ بیر وقت بوندهی تینچلیکنی ایستهمیمیز دیگن مسلمیار.
نچه کوندن بیری ایریم جهاد رهبرلری همده ایش بیلرمانلر تامانیدن طالبلر تاریخی آخرگه ییتگنلیگی بارهسیده آوازلر تیلگه آلینمقاده. اما، پاکستان تینچلیک بهانهسی بیلن افغانستانده اوز منفعتینی قیدیرهدی.
سنامجلسی نینگ اعضالریدن بیری زلمی زابلی، تینچلیک مذاکرهلر اوچون کیملر ارهلشگنلیگی بارهسیده جمهور رییسدن بو باره ده رویخط سورهگن. اونگه کوره، تینچلیک اوچون ارهلشه دیگنلرنینگ نامی اعلان ایتیلمهگن تقدیرده، اعتراضگه قول اوره دیلر. زابلی، یاشیرون همده هر قندهی پرده آرتیده بولگه دیگن مذاکرهلر پاکستان دولتی نینگ اویلهگن شخص مقصدی دیر دیگن.
سنامجلسی نینگ باشقه بیر اعضاسی نبیه مصطفی زادهنینگ سوزلریگه کوره، بیز قوراللی طالبلر داعش گروهیگه قوشیلشیدن خواطرده میز.
بوندن بیر هفته آلدین افغانستان جمهور رییسی اشرفغنی ملی مجلسنینگ آچیلیش مراسمیده قیلگن نطق سوزیده، تنیچلیک مذاکرهلرگه عاید هر قندهی موضوع اوچون مملکت قوم یاش اولوغلری بیلن مصلحت قیلهمن دییه سوز بیرگن ایدی.
سونگی وقتلرده تینچلیک مذاکرهلر اوتکزیلشیگه عاید ینگیلیکلر افغانستان همده خارجی مدیالردن ترقهتیلیب کیلماقده. بو مذاکره چین همده پاکستان دولتی تشبثی بیلن یولگه قوییلگنلیگی ایتیلهدی.
