امیریکه بیرلشگن تشکیلاتی تامانیدن جمهور رییس اشرفغنی نینگ بو اولکه نظامیلری افغانستاندن قنقه چیقیش وضعیتی حقیده یوبارگن ایستگی کوریب اوتیلماقده.
امیریکهلیک مقامات رویترز خبرگزارلیگیگه جمهور رییس غنی نینگ بو ایستگی امیریکه تامانیدن کوریب اوتیلگن و بو اولکه نظامیلری نینگ افغانستاندن قنقه چیقاریش ایشینی، بیلی بولیشی کوزه تیلگن دیدی.
جمهور رییس غنی اوتگن آیده امیریکه جمهور رییسی باراک اوباما بیلن بو اولکه نظامیلری نینگ افغانستاندن چیقاریش توغری سیده سوزلشدیک؛ دیگن ایدی.
کیلهسی مارچ آیده غنی جنابلری امیریکه بارماقده و بو اولکه مقاماتی بیلن افغانستاندهگی امیریکه بیرلشگن تشکیلاتی حربیلری نینگ چیقاریش وضعیتی حقیده سوزله شیلهدی.
واشنگتن پست کوندهلیگی هم اوباما پنجشنبه کونی امنیتی اداره سی بیلن افغانستاندهگی حربی کوچلری وضعیتی توغری سیده سوزلشماقده دیب یازگن ایدی.
بو گزارشگه کوره امیریکه جمهور رییسی افغانستاندهگی امیریکه و ناتو کوچلری باشلیغی جان کمپبلگه امیریکه لیک کوچلر قنقه چیقاریش صلاحیتینی بیریشی ممکن.
