شنبهدن یکشنبه گه اوتر کیچه ساعت 10:30 اطرافیده کابل غربی ده جایلشگن بیر هوتل ده خودکش هجوم یوز بیردی و نتیجه ده 63 کیشی هلاک و باشقه 182 کیشی یرهلندی و بو هجوم جدی عکسالعمللرگه سبب بولدی.
جمهور رئیس غنی نینگ ایتیشیچه، طالبان گروهی بو هجومنی قارهلب اوزلرینی آقله آلمهیدی، چونکه اولرنینگ اوزلری ترورچیلیک فعالیتی گه زمینه یرهتگن.
شونینگدیک، اجراییه باشلیغی یوز بیرگن هجومنی قارهلب ایتیشیچه، قول بولگن ترورچیلر بو هجوم بیلن وظیفهلری انسان اولدیریش و دهشت قیلیش بولگنینی اثباتلهگن.
عین حالده، جمهورلیک ریاست نامزدلری هم بو هجومنی قارهلب ایتیشیچه، شنبه دن یکشنبه گه اوتر کیچه توی مراسمی ده یوز بیرگن هجوم عامللری تانیلیب و قانون گه تاپشیریلیشی کیرهک.
کابلده خبری بیر ییغین اوتکزگن جمهورلیک ریاست نامزدی احمد ولی مسعودنینگ ایتیشیچه، اوتگن کیچه یوز بیرگن خودکش هجوم شهیدلری نینگ قانی گه حرمت قایل بولیشی اوچون مستقللیک بیرهمی توختهتیلیشی لازم.
شونینگدیک، جمهورلیک ریاست نامزدلریدن باشقه بیری شهاب حکیمی بو هجومنی قارهلب ایتیشیچه، بوندهی قانلی واقعهلر بولگنده، مملکت مستقللیگی نی نشانلش هیچ معنا بیرمهیدی.
عین حالده، کابل بوییچه بیرلشگن ملتلر تشکیلاتی نینگ اورین باسرلیک دفتری یا-ده یوناما، اوتگن کیچه یوز بیرگن هجوم توغریسیده عکسالعمل بیلدیریب، خودکش هجوملر و تینچ اهالی اولدیریلیشی آلدی آلینیشی اوچون جدی شکلده چاره تدبیر کوریلیشی نی سورهگن.
