جمهور رییسغنی، غصب ایتیلگن ییرلر اهالی همکارلیگی بیلن اوزاق مددتگه قدر زوروانلردن آلینیشی ممکن دیگن.
مملکت جمهور رییسی بوگون (یکشنبه) کابلده اوتکزیلگن ایکینچی شهری ملی کنفرانسده چیقیش قیلیب، پایخت کابلنینگ 70% بناسی نقشه اساسیده قوریلمهگن دیگن. بو مساله ایسه کابل شهریده ییریک بی انتظاملیککه سبب بولگن دیگن جمهور رییس. بنالر زمانوی قوریلیشی بارهسیده تاکیدلهگن جمهور رییس قانونی ساحهلرده معیاری بنالر قوریلیشینی بیلدیرگن.
جناب غنیگه کوره، پایتخت ییر تنقیسلیگیگه دورچار ایمس بلکه حاضر هم 200 مینگ جریب ییر بنا قوریلیشی اوچون تیار. غنی افغانستان بویلب 962مینگ و 467 یشش اوی جمعیت اساسیده قوریلگن، اما قالگن بنالر ایسه نا قانونی شکلده قوریلگن دیگن.
اما، جمهور رییسغنی زوروان شخصلر تامانیدن ییرلر قیته آلینیشی بارهسیده تاکیدلهگن لیگینی نا ممکن دیگن بنا قوریش ایشلری بوییچه مهندس مظهر کاویانی گه کوره، ییرلرنینگ کته قسمی عادی اهالیگه ساتیلگن و حاضر مملکتنینگ عادی اهالیسی اوشبو ییرلرده استقامت قیلهدیلر.
جناب کاویانیگه کوره، ییرلرنینک ییریک قسمی حکومت بلند مرتبهلی رسمیلری تامانیدن غصلب ایتیلگن و شهر قوریش اوچون تخصصی بولمهگن کیشیلر بیلن جمهور رییس غصب ایتیلگن ییرلرنی قیته آلیشی ممکن ایمس؛ زیرا اوشبو کیشیلر «مافیا»لر دیر. او، ییرلر قیتریب آلینمسدن آلدین شهرچهلر قوریش اوچون مسلکی کیشیلر ایشگه آلیشینی کیرهک دیدی.
شونینگدیک بوگونکه کنفرانس جمهور رییسغنی خصوصی بولیمنی شهرچه قوریش اوچون قیلیگن ایشلرینی ییترلی ایمس دیب، بوندن ایکی هفته آلدین یوز بیرگن ییر قیمیریش کوپینچه بنالر زمانوی بولمهگن لیگینی اثباتلهدی دیگن.
بوندن ییگیرمه کون آلدین 7.7درجه رشترده بولگن ییر قیمیرلش افغانستان و منطقه دولتلرینی تیترهتدی. مذکور ییر قیمیرلشنینگ اصلی مرکزی بدخشان ولایتی فیض آبادشهرینینگ 70 کیلو مترلیگده واقع بولگن. ایتیلیشیچه، ییر قیمیرلر 200 کیلو متر چقورلیکده روی بیرگن.
شونینگدیگ مذکر ییر قیمیرلشده ایریم آسمان اوپر بنالرنینگ شکست کورگنی اوچون مملکت شهر قوریش وزیرلیگی هم بنالر زمانوی قوریلمهگن لیگینی تصدیقلب، اونینگ ییریک دلیلی شهرچهلر قوریشده دولت تامانیدن نظارت ایتیلمهگن لیگینی سبب قیلیب کورستگن.
شونینگدیک مملکتنینگ ایریم ولایتلریده دم آلیش مرکزلری و دولت ادارهلری زوروان کیشیلر تامانیدن تارتیب آلینیب بوگون ایگه چیقیب اولتیرگنلر.
دولت ایچیده ییر مافیاسی و فساد موجودلیگی افغانستانده بوندهی وضعیت اورتهگه کیلیشی اوچون بیرینچی عامللردن بولگنی تاکیدلنهدی.
