غور دین عالملر کینگشی، اوشبو کینگش تامانیدن ولایتده عیال والی تعیینلنگنی باعث، جمعه نمازی اوقیلمسلیگی توغریسیدهگی گزارشنی رد ایتدی.
گزارشلرگه کوره، غور دین علمالری بیر قطعنامه ترقهتیب عیال والیگه همکارلیک قیلیشنی قبول ایتمهی ایتیشلریچه، بوندن کیین غورده جمعهنی نمازینی اوقیش توغری ایمس دیر.
بیراق، غور دین عالملر کینگشی باشلیغی عصمتالله نبی نینگ سلاموطندار بیلن تلیفونی سوزلهشیب و بو گزارشلرنی رد ایتکن.
اونگه کوره، ممکن بیرقطار دین عالملری بو توغریده بیران نرسهدیگن بولسه، بیراق اولرنینگ قطعنامه لریده جمعه نمازی توغری بولمهگنی خصوصیسیده هیچ نرسه دییلمهگن.
بوندن نیچه پیت آلدین، حکومت، سیما جویندهنی غور والیسی صفتیده تانیشتیرگن ایدی، بیراق بو ایش مذکور ولایت ایریم تشکیلاتلر تنقیدیگه روپهره بولدی.
غور دین علمالر کینگش باشلیغینینگ ایتیشیچه، مذکور ولایتگه خانم جوینده کیلیشیدن آلدین، غور دین عالملری بیر مکتبوب آرقهلی حکومت و شونینگدیک خانم جویندهدن غور وضعیتینی کوزگه توتیب، ولایتده عیال والی تعیین بولمسلیگینی ایستهگن ایدی.
جناب نبینینگ کوپهیتیریشیچه، ولایتدهگی حاکم وضعیتگه قرهگنده، بیر عیال غورنی باشقرهآلمهیدی.
اونینگ سلاموطندارگه ایتیشیچه، قومی قرهمه قرشیلیکلر، طالبلر و ناقانونی قورالی کیشیلر حضوری اساسی قیینچیلیکلردن بو معما عیال والی آرقهلی حل ایتیلمیدی.
