طالبلر ملا منصور فرمانی اساسیده هلمند ولایتینینگ نوزاد ولسواللیگیده افغانستان ملی کوچلری نینگ حربی تانکلری و گلوله گه قرشی موترلرینی مینیب اوز قدرتلرینی نمایشگه قویش اوچون رژه دن اوتگنلر. مذکور گروه بوندن نیچه کون آلدین ملی کوچلرنینگ اوتیزدن آرتیق حربی تانکی شامل بیر قطار موترلرینی هلمند ولایتینینگ نوزاد ولسواللیگیگه قیلگن هجوم نتیجهسیده قولگه کیریتگن ایدی.
مذکور رژه « منصوری کوچ» نامی آستیده اوتکزیلگن.
طالبلر تامانیدن سلام وطندارگه یوباریلگن فتو صورتلرگه کوره، مذکور گروه تامانیدن اوتکزیلگن نمایشی قدرت اهالی یشیدیگن یشیل منطقه بولیب اوتگن لیگی معلوم بولهدی.
طالبلرنینگ قوماندانلریدن بیری مولوی ضیاءالحق نینگ سلاموطندارگه ایتیشیچه، طالبلر اوز قدرتینی اثباتلش اوچون بوندهی بیر منطقهده بو کبی کورستوو یولگه قویگنلر. جناب ضیاءالحق، جنگری طالبلر اوز نیتیگه ییتمهگونگه قدر اوز اوروش لریگه دوام بیرهدیلر دیگن.
گزارشلرده ایتیلیشیچه، قوراللی طالبلر اوچ کون آلدین مذکور حربی جهازلردن فایدهلهنیب موسی قلعه ولسواللیگیده اوتکزگن اوروشده ملی کوچلرنینگ اوتیزدن آرتیق عسکری اولدیریلگن.
عین حالده، موسی قلعه ولسواللیگینینگ اهالیسیگه کوره، قوراللی طالبلر ملی کوچلر پوستهسیگه هجوم اویوشتیریلیشی اوچون مخصوص حربی قطعه تشکیل ایتگنلر. اولرنینگ سوزلریگه قرهگنده، جنگریلر افغان ملی کوچلریدن قولگه کیریتگن حربی جهازلردن فایدهلهنیب، افغانستان حکومتینینگ مخصوص حربیلریگه اوخشگه ویژه قطعه تشکیل بیرگنلر.
ایریم سیاسی تحلیلچیلر، طالبلر اختیاریده بولگن موجود حربی جهازلر خلق ارا کوچلری همکارلیگی بیلن نابود ایتیلیشی کیرهک دیگنلر. اولرگه کوره، قوراللی طالبلر قولگه کیریتگن حربی جهازلر بیکار ایتیلمهگن حالده، ییریک انسانی فاجعه یوز بیریشی ممکن.
عین حالده، افغانستان امنیتی بلند مرتبهلی رسمیلری قوراللی طالبلرنینگ حربی جهازلر بیلن جهازلنگنلیکلری توغریسیده خبرسیز ایکنلیکلرینی اظهار قیلیب و بو حقده تیرگاو باشلنگن دیگنلر.
بو بیرینچی مرته ایمس قوراللی طالبلر حربی رژه اوتکزیب اوز قدرتلرینی افغانستان دولتی همده دنیا جماعه چیلیگیگه کورستگن بولمسه. اوشبو حرکت 2007و 2010ییللرده منه شو کبی حربی رژه اوتکزگن ایدی. اما، حاضرگی رژهنینگ فرقی فقط قوراللی طالبلر ایریم زمانوی حربی جهازگه ایگه بولگن لیکلریده کورینهدی.
قوراللی طالبلر اوتگن اون تورت ییل جریاینده هلمند ولایتینی تصرف قیلیش اوچون هیچ قندهی سعی و حرکتدن واز کیچمهگنلر. ایتیلیشچه، اوشبو ولایتنینگ نیچه ولسواللیگی ییللب طالبلر نظارتیده بولگن، اما بو گروه هیچ بیر زمان لشکرگاه شهرینی تصرف قیلیشگه موفق بولمهگن.
