سونگی بیرهفته جریانیده تخار ولایتینینگ کلفگان، اشکمش، رستاق و چاهآب تومنلریده ناقانونی قوراللی گروهلر آرهسیده، آتیشمه یوز بیرگن.
تخار پولیس قومندانلیگی تامانیدن سلاموطندار اختیاریگه قوییلگن ارقامگه کوره، اوتگن بیر هفته جریانیده ناقانونی قوراللی کیشیلر آرهسیده یوز بیرگن آتیشمهلر نتیجهسیده، 18 کیشی هلاک و 22 کیشی یرهلنگن دیر.
تخار ولایتینینگ چاهآب تومنی یشاوچیلریگه کوره، ناقانونی قوراللی کیشیلر آرهسیده یوز بیرگن آتیشمهلر نتیجهسیده، اونلرچه مسکونی اوی تخریب ایتیلیب و کوپ قطار یشاوچیلر آواره بولگنلر.
اولرنینگ ایتیشیچه، اوشبو تومنده هرکون ناقانونی قوراللی کیشیلر آرهسیده آتیشمه یوز بیرهدی، اوشبو آتیشمهلر عامللرینی قولگه آلیش اوچون حکومت هیچقندی اقدام قیلمهیدی.
چاهآب تومنینینگ یشاوچیلریدن بیری نبیالله نینگ سلاموطندارگه ایتیشیچه، اوروش طرفلری حاضرده هم اوروش اوچون تیار دیر و قیتهدن آتیشمه یوز بیریش احتمالی بار دیر.
سونگی کونلرده تخار ولایتینینگ مرکزی تالقان شهریده هم ناقانونی قوراللی کیشیلرنینگ حضوری کوپهیگن. ناقانونی قوراللی کیشیلر ایرکین شکلده اوشبو شهرده فعالیت قیلهدی و جنایی جرایملر کوپهیب بارماقده.
شوتوغریده…
- تخارده ناقانونی قوراللی کیشیلر آرهسیده یوز بیرگن آتیشمهده 1 کیشی هلاک ایتیلگن
تخار ده ناقانونی قوراللی کیشیلرنینگ آتیشمهسی نتیجهسیده، 3 کیشی هلاک ایتیلگن
ناقانونی قوراللی کیشیلر بیر عایلهنینگ 2 فرزندینی اولدیرگن
تخار ولایتی کینگش اعضاسی عصمت قربانی نینگ ایتیشیچه، ناقانونی قوراللی کیشیلر محلی حکومت حمایتی آرقهلی کوچلی بولگنلر و حاضرده طالباندن کوره یمان شکلده عمل قیلهدیلر، بیراق اولرنی توپلش اوچون حکومت قادر ایمس.
جناب قربانیگه کوره، قتل، اوغیرلاوچیلیک و باجآلیش ناقانونی قوراللی گروهلرنینگ فعالیتلریدن دیر.
عینحالده، تخار پولیس قومندانلیگینینگ سرپرستی حشمت مسلم، ناقانونی قوراللی کیشیلرنینگ محلی حکومت برابریده کته قیینچیلیک بولگنینی تصدیقلیدی و اولرنی توپلش اوچون مردمی بیر اجماعگه نیاز دیدی.
گزارشلرگه کوره، عدالی و قضایی ادارهلر قطار ناقانونی قوراللی کیشیلرنی قتل، زورهوانلیک، باجآلیش و اوغیرلاوچیلیک قضیهلری باعث، جلب قیلگن، بیراق پولیس حاضرگهقدر اولرنی قولگه آلیشگه موفق بولمهگن.
