افغانستان بوییچه ناتو ملکی نمایندهسی نیکولاس کی نینگ ایتیشیچه، بو مملکت تینچلیک کیلتیریش اوچون یخشی بیر شانس گه ایگه دیر.
جناب کی لندن ده ناتو ییغینی نینگ چیککهسیده خبرچیلربیلن صحبت اوتکزیب ایتیشیچه، ترورچی گروهلردن یالغیز طالبان زوروانلیک دوامی اوستیگه اورغولهیدی، بیراق باشقه ترورچی گروهلر آتیش کیسین نی ایستهیدی.
افغانستان بوییچه ناتو نمایندهسی نینگ کوپهیتیریشیچه، افغانستان تینچلیگی اوچون منطقوی بیر کیلیشوو بار و منطقه مملکتلری پاکستان، ایران، روسیه و چین افغانستان تینچلیک پروسهسیده حمایت قیلهدیلر.
او، افغانستان ده تینچلیک کیلتیریش اوچون میلادی 2020- ییل نی یخشی بیر شانس دیب ایتیشیچه: « 20 ییللیک اوروشدن کیین تینچلیک کیلتیریش نی زمان گه احتیاجی بار و تینچلیک پروسهسی نینگ یولیده کوپینچه زوروانلیک و ناامیدلیک بولیشی ممکن.»
جناب کی گه کوره، طالبان اوروش یولیدن غالب بولمهسلیکلرینی توشونگن و افغانستان قیینچلیگی حل ایتیلیشی نی یالغیز یولی سوزلشوو دیر.
نیکولاس کی نینگ کوپهیتیریشیچه، افغانستان یشاوچیلریدن کوپینچهسی طالبان ایستهیدیگن اماراتی حکومتی نی ایستمهیدی و شو یوزهدن افغانلر ارا سوزلشوولر قیین و زمان آلیشی ممکن.
او، افغانستان سیلاوی توغریسیده ایتیشیچه، اونملی بو دیر کیم سیلاولر ایرکین کمیسیونی سیلاولر پروسهسی یکونلنگنیدن کیین سیلاو دستلبکی نتیجهسینی اعلام قیلسین و شونینگدیک کاندیدلر نتیجه نی قبول قیلسین.
