کیلگوسی هفتهده کابینهنینگ قالگن وزیرلری ملی مجلسگه تَنیشتریلیشی کوتیلهدی
نمایندهلر مجلسینینگ بیرینچی اورین باسری ظاهر قدیرنینگ بوگون چهار شنبه مجلسنینگ عمومی ییغینیده ایتیشیچه، جمهور رییس محمد اشرفغنی بیلن بولگن اوچره شوویده کابینهنینگ قالگن اعضالری تَنیشتیریلیشی بارهسیده صحبت قیلگن.
اوتگن کون هم ایریم گزارشلرده ملی بیرلیک حکومتی کابینهسی نینگ قالگن اعضالری تَنیشتیریلیشی حقیده خبر بیریلگن ایدی؛ اما نمایندهلر مجلسینینگ اداری هیاتی بو گزارشنی رد قیلگن.
عین حالده، تصدیق لنمهگن ایریم گزارشلرده علی احمدجلالی مدافعه وزیرلیگی لوازمی اوچون نامزد قیلینگنلیگی ایتیلهدی. جلالی حامدکرزی حکومتیده ایچکی ایشلر وزیری صفتیده وظیفه قیلگن.
شونینگدیک نمایندهلر مجلسی افغانستان حکومتینینگ رهبرلریدن امریکاگه قیلهجک سفرلریدن آلدین قالگن کابینه اعضالرینی ملی مجلسگه تَنیشتیریشنی سورهگنلر.
کابینه اعضالری تَنیشتیریلمهگن لیگی و وزیرلیکلر سرپرستلر آرقهلی باشقریلیشی خلق اوچون ایریم قیین چیلیکلرنی توغدیرگن.
اهالی هر دایم دولت اداره لریدهگی ترتیب سیزلیکلر آلدی آلینیشی اوچون حکومت دن تیزلیکده کابینه نینگ قالگن اعضالری تَنیشتیریلیشی تاکیدله گنلر.
افغانستان جمهور رییسی محمد اشرفغنی قسم یاد کیلتیریش مراسمیده کابینهنینگ نامزد وزیرلری 45 کونده ملی مجلسگه تَنیشتیریلیشیدن سوز بیرگن ایدی؛ اما جمهور رییس همده اجراییه ریاستی باشلیغی اورتهسیدهگی موجود قرهمه قرشیلیکلر کابینه 105کوندن سونگ اعلان قیلینیشیگه سبب بولدی.
مجلسنینگ قیشی تعطیلیدن سونگ، افغانستان ملی کینگشی جمهور رییس غنی تامانیدن رسمن آچیلدی. پارلماننینگ اداری هیاتی سیلهنیب تعین ایتیلگن لیگیدن ایکّی هفته اوتیشیگه قرهمسدن، لیکن هنوز هم نامزد وزیرلر تَنیشتیریلمهگن.
