اوتگن ییل عین کونده مملکت خوفسیزلیک مسؤولیتلر خلق ارا کوچلردن رسمی شکلده افغانستان ملی کوچلریگه تاپشیریلگن ایدی و بو برنامهدن کیین مملکتدهگی خلق ارا حربی کوچلرینینگ کته قسمی افغانستاننی ترک قیله باشلهدی. عین حالده، ناتونینگ بیر قطار حربی قرارگاهلری افغان ملی کوچلری اختیاریگه اوتدی.
افغان ملی کوچلری میلادی 2015- ییلده چمهسی مملکتنینگ برچه ولایتلریده جنگری گروهلر و طالبلر بیلن اوروش قیلگن. ایتیلیشیچه، مذکور اوروش جریانیده افغان ملی کوچلری قوشیمچه تینچ اهالیگه تلفات ییتگن.
ایریم سیاسی تحلیلچیلر، میلادی 2015- ییلنی افغان ملی کوچلری اوچون قانلی ییل بولگنلیگینی تیلگه آلگنلر. شونینگدیک اوشبو تحلیلچیلر میلادی جاری ییل جریانیدهگی اوروشلر دوامیده افغان ملی کوچلریگه جانی تلفات ییتگنلیکدن علاوه مملکت خلقیگه ییریک مالی زیان ییتکزیلگن.
سلاموطندار بیلن صحبت قیلگن سیاسی تحلیلچی عتیقالله امرخیل، میلادی اوتگن ییلده حکومت افغان ملی کوچلری برنامهسی و طرحینی ترتیب اساسیده ییریک عملیاتلر اوتکزیلیشده عملی بولمهگن دیگن. ملی بیرلیک حکومتینینگ رهبرلری هم اوروش میدانیده آواره بولگن خانهدانلر اوچون هم دییرلی اعتبار قرهته آلمهگن.
افغانستان شمال شرقیده جایلشگن قندوز ولایتی سقوط قیلگنلیگی توغریسیده اشاره قیلگن جناب امرخیل، بو مساله هم ملی کوچلر روحیهسینی کوچسیزلنتیریب، تینچ اهالینی کیلهجک اوچون امیدسیز قیلدی دیگن.
امنیتی ادارهلرده سالم روشده مدیریت بولمهگن لیگی حقیده اشاره قیلگن جناب جاوید کوهستانی، افغان ملی کوچلری اورتهسیده هماهنگلیک بولمهگنلیگی قوراللی طالبلرنی اوروش میدانیده کوچلنتیرگنینی بیلدیرگن. جناب کوهستانی نینگ سوزلریگه قرهگنده، افغانستان حربی کوچلری خلق ارا کوچلر تامانیدن حمایت ایتیلمهگنلیگی باعث جاری ییلده جنگری طالبلر چریکی اوروشدن جبهی جنگگه یوز کیلتیرگنلر.
مذکور حربی تحلیلچینینگ ایتیشیچه، مملکتده خوفسیزلیک تیزیمیده موجود مدیریتی معما تیزلیکده حل ایتمهگن حالده، ینگی میلادی ییل هم افغانستان ملی کوچلری اوچون قانلی ییل بولیشی احتمالدن ییراق ایمس.
افغانستان خلقی اوتگن ییل دوامیده مملکت ملی کوچلرینینگ کینگ کولمده حمایت قیلگنلیکلریگه قرهمی، اما ملی کوچلر اهالی امنیتینی تامین قیلیش اوچون اونچهلیک موفق بولمهگن. مملکت بویلب شهرلر همده ولسواللیکلرنی سقوط قیلیشی ادعامیز اوچون یقال مثال سنهلهدی.
