افغانستان جهادی قومندانلریدن بیری عبدالرسول سیاف، شهیدلر هفتهسی و احمدشاه مسعودنینگ شهادتیدن نشانلش مراسمیده، طالبلر اسلام و افغانستان قوینیده اوسمهگنینی ایتدی.
اوشبو مراسم بوگون (چهارشنبه) حکومت ییریک رسمیلری، پالمان اعضالری و جهادی رهبرلر حضوریده کابلده اوتکزیلدی.
اونگه کوره، افغانستانده اسلامی و شرعی تیزیم موجود، بیراق ملاعمر و ملا منصور رهبرلیگیده بولگن طالبان تیزیمی ناتوغری دیر. او، قوراللی طالبلریدن ناقانونی یولنی ترک ایتیشینی سورهدی.
جناب سیاف، اسلام پیغمبریدن نقل قیلیب ایتیشیچه، هر بیر ییرده ایکی امیر بولگن صورتده، ایکینچی امیرنی اولدیریش لازم. سیافنینگ کوپهیتیریشیچه، بیزلر ملاعمرنینگ اولدیرهآلمهگن بولسک، تینگریم کیچیرسین.
اونینگ ایتیشیچه، افغانستاندهگی طالبلر پاکستان استخباراتی (آیاسآی) تامانیدن باشقریلهدی، شونینگدیک اولردن، قرشی بولگن صورتده، قرشیلیک لرینی بیان ایتیشی و اوروشماقچی بولسه، بیگانهلر قوینیده چیقیب میدانده حضور تاپشینی ایستهدی.
او، طالبلر قومندانلریدن بیری ملا دادالله منصوردن نقل قیلیب ایتیشیچه، طالبلرنینگ قومندانلری (آی اس آی) تامانیدن تعیین بولهدی، بوندهی بولمهگن صورتده، ملا عمر اولیمیدن ایکی ییل اوتکن و طالبلر کیم تامانیدن رهبرلیک بولر ایکن؟.
ساغ افغانستان، ساغ قوشنیلر
جناب سیافنینگ افغانستان قوشنیلری اینقیسه پاکستانگه خطاب ایتیشیچه، سیزلرنینگ ساغلیکلرینگیز افغانستان ساغلیگیگه باغلیق، مملکت لرینگیز تینچ لیگینی ایستهسنگیز، افغانستان تینچلیگی اوچون سعی و حرکت قیلیشلرینگیز لازم.
سیافگه کوره، افغانستان خلقی کونده قربانلیک بیرهدی و ملی بیرلیک حکومت رهبرلریدن بو وضعیتگه قرشی خلقنینگ حرکت بیریشینی سورهدی، بوندهی بولمهگن صورتده، بیزلر حرکت بیرهمیز دیدی.
سیاف، پاکستان تاریخیگه اشاره قیلیب، مینی یاشیم بیرقطار مملکتلر یاشیدن ایکی ییل یوقاری دیدی و بو مملکتلر افغانستاننی یوقاتهآلمهیدی، چونکه افغانستان تاریخگه ایگه بولگن.
سیافنینگ دنیا جماعهچیلیگیگه ایتیشیچه، افغانستان تینچ بولگن صورتده، دنیا تینچ بولهدی. افغانستان ناتینچ بولگن چاغده، دنیا ناتینچ بولهدی. اونینگ کوپهیتیریشیچه، افغانستان ادارهسی دشمن قولیگه توشگن صورتده، دنیانی تینچ قویمهیدی.
جهادیلردن دفاع قیلیش
سیاف، ینه مرته جهاد و مجاهدلردن دفاع قیلینیشینی تیلگه آلیب ایتیشیچه، مجاهدلر جنایتچی و ییر غاصبی ایمس، بلکیم ایرکینلیک فاتحسی دیر.
شونینگدیک جناب سیافنینگ ایتیشیچه، افغانستان تاریخی مجاهدلر تامانیدن خلق ایتیلگن و اولر افغانستانگه زیب و زنت بیرگن.
افغانستانده قرارآلهدیگن منبع یوق دیر
اوشبو جهادی رهبرنینگ ایشانچیگه کوره، حاضرگچه افغانستانده قرارآلهدیگن بیر منبع یوق دیر و بو منبعنی بولیشی لازم، تیزیمگه قرشی بیران مصیبت یوزبیرگن صورتده، اونی زیان کورمسلیگی کیرهک.
جناب سیافنینگ، حکومت رهبرلریگه خطاب ایتیشیچه، افغانستان تیزیمینینگ کوچلنیشینی ایستهسنگیزلر، تیزلیکده سیلاو اوتکزیلیش تاریخینی بیللی قیلیشلرینگیز لازم. سیافنینگ کوپهیتیریشیچه، حکومت سیلاو اوتکزیشگه قادر بولمسه، افغانستانده قرارآلهدیگن ادارهلر و کینگشلرگه مراجعت قیلیش کیرهک.
شونینگدیک سیاف، ملی بیرلیک حکومت باشلیغلریدن، افغانستان خلقینینگ ایجیت مسلیگی و اولرنی اوزلری بیلن آلیب قالیشلرینی سورهدی.
اونینگ کوپهیتیریشیچه، بیرقطارلر سیاف حکومتدن چیتده قالدی دیگن فکرده بولیب، تیزیمگه قرشی حرکت قیلماقده، بیراق اولر خطا قیلهدی، تیزیمنی اوزیمیز توزهتکن میز و هیچ قچان نابود ایتمهیمیز دیدی.
عبدالله: بیزلر قوشنیلر بیلن دوستلیک قیلهمیز
ملی بیرلیک حکومت اجراییه باشلیغی عبدالله عبداللهنینگ ایتیشیچه، افغانستان، قوشنیلری بیلن دوست بولیشنی ایستهیدی، بیراق بو دوستلیک جبری ایمس و ایکی تامان بیری- بیراوینینگ قبول ایتیشی کیرهک.
جناب عبداللهگه کوره، حاضرگچه طالبلرگه قرشی اوروش میدانیدن سیس چیقیب، بیگانهلر استخباراتیگه غلام بولیشنی ایستمهیمیز دییدی.
شونینگدیک اجراییه باشلیغینینگ ایتیشیچه، افغانستان دولتی تینچلیک ایستهیدی. اونینگ کوپهیتیریشیچه، بیزلر تفرقه و اجرهلیشنی تجربه قیلیب کیلدیک و بیلهمیز هیچ بیر منفعتی یوق دیر.
انه شوندهی، اجراییه باشلیغی ایکینچی اورین باسری محمد محققنینگ اوشبو مراسمده ایتیشیچه، خلق اینیقسه یاشلر یمان وضعیتده قرار تاپگن و حکومت تامانیدن بوخصوصده دقت قیلینیشی کیرهک.
جناب محققنینگ ایتیشیچه، کونده 25 مینگ کیشی پاسپورت آلیش اوچون پاسپورت ادارهلریگه تشریف بویورهدی و بو مملکتدن یاشلرنینگ قاچیشینی کورستهدی.
اونینگ کوپهیتیریشیچه، اشرف غنی، اوشبو مملکت جمهور رییسی بولگنلیگینی اثباتلشی لازم و خلق حضوریده صداقت بیلن سوزلب و اولرگه خوفسیزلیک تأمینلنیشی و ایشگه زمینه یرهتیلیشی توغریسیده ایشانچ بیریشی کیرهک.
