فاریاب ولایت کینگشی باشلیغی محمدطاهر رحمانینینگ ادعا قیلیشیچه، اوشبو ولایتنینگ کوپینچه بولیمی دولت گه قرشی قوراللی عصیانچیلرنینگ نظارتیده بولگن و بو ولایت تیزلیکده سقوط قیلیشی ممکن. اونینگ ایتیشیچه، بو موضوع نی ولایت محلی ادارهسی بیلن شریک قیلگن؛ بیراق محلی اداره اونینگ سوزلریگه دقت قیلمهیدی.
فاریاب ولایت کینگشی باشلیغی گه کوره، هر بیر تومن دن یالغیز 2-3 قیشلاق دولتی کوچلرنینگ نظارتیده قالگن و باشقه قیشلاقلر بوتونلهی دولت گه قرشی قوراللی عصیانچیلرنینگ نظارتیگه اوتگن. اونینگ کوپهیتیریشیچه، مسؤوللر اونینگ سوزلریگه دقت قیلمهگن صورتده، فاریاب ولایتی قندوزنینگ تقدیریگه روپهره بولیشیدن آلدین، ناراضیلیک نمایشلرنی یولگه قوییب سیسلرینی مسؤوللر و دنیادهگیلرنینگ قولاغیگه ییتکیزهدی.
بیراق، فاریاب حاکمینینگ سوزلاچیسی، ولایتی کینگش باشلیغینینگ ادعالرینی رد قیلیب و اونی دوشمن تیگیرمانی گه سوو توکیش دییدی. اونینگ ایتیشیچه، فاریاب سقوط قیلمهیدی؛ چونکه تیزلیکده حربی عملیات یولگه قوییلهدی.
شونینگدیک، فاریاب امنیه قومندانلیگی سوزلاوچیسی عبدالکریم یوریش، ولایتی کینگش باشلیغینینگ ادعالرینی رد قیلیب کوپهیتیریشیچه، تازهلش عملیاتلر دوام ایتماقده و فاریاب هیچ قچان سقوط قیلمهیدی.
لیکن؛ فاریاب اهالی مذکور ولایتنینگ کوپینچه بولیملریده طالبان حضوریدن خواطر بیلدیریب ایتیشیچه، میمنه شهری قماقخانه گه اوزگرگن؛ چونکه حربی و تینچ اهالیلر شهردن تشقری چیقه آلمهیدی.
عین حالده، اوتگن هفته میمنه شهریگه سفر قیلگن 209 شاهین قول اردو قومندانی جنرال امانالله مبیننینگ فاریاب اهالیسی گه ایشانچ بیریشیچه، کیلهجک بیر آیده فاریابنی مملکتنینگ تینچ ولایتلریدن بیری گه اوزگرتیریشی ممکن. او، فاریاب ولایتیده کینگ حربی عملیات یولگه قوییلیشی خصوصیده، اهالیگه سوز بیرگن.
