د فراه ولایتي شورا غړی ګلاحمد فقیري وايي، طالبانو بېګا شپه پشترود ولسوالۍ کې د افغان ملياردو په یوې اډې ډلهییز برید کړی چې له څو ساعته نښتې وروسته ۲۱ افغان ځواکونه پهکې وژل شوي او ۱۱ نور ژوندي نیول شويدي.
طالبانو د دې پوځي اډې ټول تجهیزات هم له ځان سره وړي دي.
خو د فراه امنیې قوماندانۍ ویاند محبالله محب وايي، ۱۰ افغان ځواکونه وژل شوي، ۵ ټپیان دي او د طالب قوماندان حافظ سید احمد په ګډون ۵ وسلهوال هم وژل شوي او ۲ نور ټپيان دي.
د فراه امنیې قوماندانۍ ویاند همدارنګه وايي، د پوځ، کومانډو او پولیس ځواکونه سیمې ته رسېدلي چې د نیول شویو ۵ سرتېرو خوشې کولو لهپاره عملیات هم پیل شويدي.
هغه وویل، دې پېښې سره یو وخت کې بالابلوک ولسوالۍ کې د امنیتي ځواکونو او طالبانو ترمنځ نښته کې ۶ وسلهوال وژل شوي او ۸ ټپیان دي.
طالبانو هم یوې په یوې خبرپاڼې کې دغه برید تایید کړیدی.
