جوزجان ولایتی نینگ محلی رسمی‌لری نینگ ایتیشیچه، درزاب تومنیده داعش گروهی اویلرینی ایسیغ سقلش اوچون پسته-بادام اورمانینی توبیدن سوغیریب آلیب کیتگن.
درزاب تومنی اولوسوالی رحمت‌الله حشرنینگ سلام‌وطندارگه ایتیشیچه، داعش آق بولاق منطقه سیده‌گی 20 مینگ جریب و شیرمنگو و گوره‌خان منطقه سیده‌گی 30 مینگ جریب پسته-بادام اورمانینی قیش فصلیده اویلرینی ایسیق سقلش اوچون اره قیلیب آلیب کیتماقده و حاضرگه قدر مذکور گروه نفرلری کوپلب اورمان کوچتلرینی سوغیریب آلیب کیتگن.
درزاب یشاوچیلری هم حادثه‌نی تأیید قیلیب حکومتدن تیزلیکده مذکور تومندن داعش گروهینی چیقاریش و امنیت اورنه‌تیش اوچون یوکسک بیر عملیات اوتکزیشینی طلب قیله‌دیلر.
جوزجان ولایتی نینگ ایکینچی‌لیک و چارواچی‌لیک ریاستی باشلیغی محمدرحمان ارغندیوال نینگ سلام‌وطندارگه ایتیشیچه، امنیتی قیینچی‌لیکلر سبب اولر اورمانلرنی قوریشگه عاجز قالگن.
جوزجان ولایتی نینگ ناتینچ منطقه‌لریدن سنله‌دیگن درزاب تومنیده سونگی نیچه آی آقیمیده داعش جنگریلری فعالیتی اوته شدتله‌نیب بارماقده.
