افغانستان سابق جهاد رهبری عبدالرب رسول سیاف اوتگن کون هرات ولایتیده 24- حوت هرات خلقی نینگ عصیان کوتارگنلیگی مناسبتی بیلن اویوشتیریلگن ییغینده قیلگن چیقیشیده ینه بیر مرته جهادیلرنی مدافعه قیلدی. اونگه کوره، جهادیلر زوروان ایمس، بلکه فاتحلر.
سیاف مجاهدلر انسان حق حقوقلرینی نقص قیلمه گن، بلکه انسان حق حقوقلرینی حمایت قیلگن دیگن. شونینگدیک سیاف، مجاهدلر مذکور توپراقنینگ مدافعه چیلری دیر، هیچ کیمسه مجاهدلرنی یوق و یا چیتگه چیقره آلمیدی دییه تاکیدله گن.
عین حالده، جناب سیاف اوز نطق سوزلریده ینه بیر بار ترورچیلرگه قرشی کوره شیلیشی حقیده اورغوله گن مجاهدلر؛ داعش چیقیشی اوچون ییریک توسیق. جهاد رهبری سیاف، ترورچیلر هر قندهی نام بیلن فعالیت قیلمه سین جهادیلر اولرگه قرشی کوره شیشلریگه دوام ایتیرهدیلردیگن.
جهادنینگ مذکور رهبری اوز سوزلری جریانیده مجاهدلر اشغالچیلرگه قرشی مبارزه قیلگنی کبی، بو مرتبه هم ترورچی گروهلر جملهدن داعشگه قرشی مبارزه قلیشلری توغریسیده اورغوله گن. جناب سیاف، داعش گروهی قیلمیشلری اسلام دینینی سوء استعمال ایتیشدن علاوه باشقه نرسه بولمه گن لیگینی ایتگن.
اونگه کوره، اسلام دینی آدرستیدن ترورچیلیک همده ظلم قیله دیگنلر خاین دیر. سابق جهاد قوماندانلریدن باشقه بیری امیر محمد اسماعیل، هرات خلقینینگ سابق شوروی قیزیل قوشینگه قرشی تورگنلری باره سیده اشاره قیلیب؛ حاضرگی ایرکینلیک مجاهدلردن کورستگن فدا کارلیکلری نتیجهسی دییه معلوم قیلگن.
شونینگدیک ییغینده افغانستان سنا مجلسینینگ رییسی فضلهادی مسلمیار، مملکت شرقی ولایتلر جهادیلری نماینده لیگیده سوزگه چیقیب، افغانستان خلقی تشقی وایچکی دسیسهلر برابریده باش اینگمس لیکلرینی بیلدیرگن. بوندن 36 ییل آلدین هرات خلقی سابق کمونیستی حکومتگه قرشی عصیان کوتارگنلر. یتیلیشیچه، مذکور عصیانده هراتلیک 24 مینگ انسان هلاک ایتیلگن.
