خوست ولایتیده یولده ییرلشتیریلگن ماین پارتلهشی عاقبتیده 10 کیشی هلاک ایتیلگن.
اوشبو پارتلش بوگون ایرتهلب ساعت 5 اطرافیده علیشیر تومنی نینگ چنارکی منطقهسیده یوللاوچی تاشیووچی بیر موتر یولده ییرلشتیریلگن ماین گه دوچ کیلگن بیرچاغده یوز بیرگن.
خوست حاکمی محمدحلیم فدایی نینگ ایتیشیچه، اوشبو پارتلش نتیجهسیده 5 ایرکک، 2 عیال و 3 بالهجان بیرگن.
فدایی گه کوره، مذکور موترنینگ یوللاوچیلری یقینلریدن بیری نینگ جنازه مراسمیده اشتراک قیلیش اوچون بارهیاتگن ایکن.
اوشبو پارتلش مسؤولیتینی حاضرگچه هیچ بیر گروه یا-ده کیشی بوینیگه آلمهگن.
شونینگدیک، بلخ ولایتیده یوز بیرگن باشقه بیر پارتلشده 18 کیشی یرهلنگن.
اوشبو پارتلش بوگون ایرتهلب ساعت 9 اطرافیده مزارشریف شهری الکوزی تورت یولیده یوز بیرگن.
بلخ پولیس قومندانلیگی سوزلاوچیسی عادلشاه عادل نینگ سلاموطندارگه ایتیشیچه، بو پارتلش بیر بایسکیلده جایلشتیریلگن ماین پارتلهشی عاقبتیده یوز بیرگن. اوشبو پارتلش نتیجهسیده 6 تینچ اهالی شامل 18 کیشی یرهلنگن.
اوشبو پارتلش مسؤولیتینی هم هیچ بیر کیشی یا-ده گروهی بوینیگه آلمهگن.
