غور ولایتیده حکومتنینگ تورت بلند مرتبهلی رسمینینگ مملکتدن چیقیشی منع ایتیلگن. ولایت اورین باسری محمدامین توخی، ولایت اداری ایشلری بوییچه باشلیغی غلام محمد پیمان، پولیس قوماندانلیگی تدارکات مسوولی تاج محمد تلاش ولایت مستوفیت اداره سی رییسی مملکتدن چیقیشی منع ایتیلگن کیشیلردن سنلهدی.
سلام وطندار رادیوسی بیلن صحبت قیلگن غور ولایتینینگ والیسی سیما جویندهگه کوره، حکومتنینگ مذکور تورت بلند مرتبهلی رسمیسی پارهخورلیک، ایشقیلمسلیک و ملی بودجهنی سوء استعمال قیلگنلیکلری سبب بوندن نیچه وقت آلدین مملکت دولت باشقرهلاوچیلیگیگه تانیشتیریلگنلر و اولرنینگ دوسیهسی تیکشیریلگندن کیین مملکتدن چیقیشلری توسیلگن.
عینحالده، ولایت والیسی اوز لوازمیدن استعفا بیرگنی حقیدهگی خبرنی رد قیلگن.
اوشبو آوازهلرنی رد قیلگن خانم جویندهگه کوره: جمهور رییس غنینینگ فرمانی اساسیده ایشگه آلینگن من او اونینگ فرمانی اساسیده ایشدن آلینهمن بونینگ اوچون استعفا بیریشنینگ اورنی یوق"
ولایت والیسی ایتیب تعینلنگن سیماجوینده دستلبکی کونلر تورلی معمالر جملهدن دین عالملری همده اهالینینگ جدی مخالفتیگه دوج کیلگن ایدی. اهالی خانم جویندهنی ولایت مقامی اوچون مناسب شخص بولمهگن لیگینی تیلگه آلگن ایدیلر.
