جوزجان ولایتیده ترکمن قوم‌لردن اونلرچه‌سی‌نینگ بیر اعتراضی حرکت آرقه‌لی ایتیشیچه، جمهورلیک ریاستی‌نینگ بیرینچی اورین باسری جنرال عبدالرشید دوستم و جوزجان حاکمی مولوی لطف‌الله عزیزی، قادر مالیه‌نی ولایت اورین باسری عنوانیده تانیتیلیشی‌گه توسیق بولگنلر.
اولرنینگ ایتیشیچه، اوشبو ولایت‌ده ترکمن قوم‌لرنینگ حقلری تلف ایتیلگن و بو ولایت‌ده جمهورلیک ریاستی‌نینگ فرمانی عمل‌گه آشیریلمه‌یدی.
اعتراضچی‌لرنینگ ایتیشیچه، ایستک‌لریگه دقت بولمه‌گن صورتده، بوتون قتناو یوللرنی باغله‌یدیلر.
عین‌حالده، جوزجان یشاوچیلریدن باشقه یوزلرچه‌سی اعتراضی بیر ییغین یولگه قویب عبدلقادر مالیه‌نی ولایت اورین باسری عنوانیده قبول قیلمه‌یش‌لرینی ایتیب اونگه قرشی توخته‌یش‌لرینی بیلدیرگنلر.
اولرنینگ کوپه‌یتیریشیچه، جناب مالیه سیلاو کمپاینی‌نی ایلگری آلیب باریش اوچون جمهورلیک ریاستی تامانیدن تعیین ایتیلگن.
جوزجان قومی کینگش باشلیغی عبدالمجید صمیم‌نینگ اعتراضچیلر نماینده‌لیگی‌گه ایتیشیچه، عبدالقادر مالیه‌نی جوزجان حاکمی‌نینگ اورین باسری عنوانیده هیچ کیم قبول قیلمه‌یدی و جمهور رییس هم اهالی‌گه قرشی توخته‌گن صورتده، سقوط قیله‌دی.
اعتراضچی‌لرنینگ کوپه‌یتیریشیچه، جنرال دوستم‌نی جمهورلیک ریاستی بیرینچی اورین باسری عنوانیده دولت ایشلاوچی‌لریگه اوزگرتیریش کیلتیریش اوچون حقی بار.
عین‌حالده، جوزجان پولیس قومندانی فقیرمحمد جوزجانی‌نینگ ایتیشیچه، جوزجان حاکمی‌نینگ اورین باسری‌نی تانیتیلیشی توغریسیده هیچ‌قندی قیین‌چیلیک یوق دیر.
بو توغریده جنبش حزبی‌نینگ سوزلاوچیسی و جوزجان حاکمی‌نینگ توشینچه‌سینی آلیش اوچون سعی و حرکت قیلدیک؛ بیراق موفق بولمه‌دیک.
