اوتکن 13 ییل‌ده بلخ ولایتی اقتصادی وضعیتی اونچه‌لیک یمان بولمه‌گن ایدی و یشاوچیلری اقتصاد‌لی یشه‌ب کیلماقده ایدیلر. بیراق ملی بیرلیک حکومتی تشکیل ایتیلگنی‌دن کیین، نه فقط بلخ یشاوچیلری اقتصادی یوکسلمه‌گن؛ بلکیم سقوط عرفهسیده بولگن.
مذکور ولایت سوداگرلری ناتینچ‌لیک‌لر و سوداگرلیک اوچون فرصت بولمه‌گنی‌دن شکایت قیلگنلر. اولرنینگ ایتیشیچه، حکومت امنیت تامین لنیشی خصوصی‌ده دقت قیلمه‌گن صورت‌ده، اولر سوداگرلیک فعالیت‌لری‌نی توخته‌تیش هشدارینی بیره‌دی.
«افغان بازار» شرکتی باشلیغی مجیب‌الله نینگ ایتیشیچه، بلخ ولایتیده سوداگرلیک‌که فایده قالمه‌گن‌لیگی باعث، سرمایه یاتقیزگنیدن پشیمان بولگن. او، کیله‌جکده بلخ ولایتی‌گه سرمایه یاتقیزمه‌یدی.
شونینگ‌دیک «نصیب سویابین» ایش خانه‌سی عمومی مدیری محمدنسیم‌نینگ ایتیشیچه، حکومت تمانیدن سرمایه یاتقزوچی‌لر اوچون برق خرجتی کمه‌ییشی توغری‌سی‌ده یاردم بیریلیشی کیره‌ک؛ چونکه برق خرجتی ایش خانه‌لر اوچون یوقاری کیتگن.
بلخ سوداگرلری اجراییه باشلیغی نصیراحمدقاسمی، موجود اقتصادی وضعیت توغری سیده خواطر بیلدیریب ایتیشیچه، اوتمیش‌لرده مذکور ولایت سوداگرلیک فعالیت‌لری یخشی بولگن. ملی بیرلیک حکومتی ایجاد ایتیلگنی‌دن کیین سوداگرلر حامدکرزی حکومتی دورانی‌ده‌گی قیینچی‌لیک‌لر حل ایتیلیشی‌گه امید بیلدیرر ایدی، لیکن عکسینچه بوقیینچی‌لیک‌لر کوپه‌ییب بارماقده.
جناب قاسمی، بو ولایت اقتصادی فعالیت لری 60 فایز کمه‌یگنی خصوصی‌ده اشاره قیلیب ایتیشیچه، ناتینچ‌لیک‌لر و دنیاجماعه‌چیلیگی یاردمی کمه ییشی بلخ ولایتی اقتصادی سقوطی‌گه سبب بوله‌دی.
اقتصادی ایش بیلرمانلردن بیری احمدولی سنگرگه کوره، سرمایه‌لر سقوطی باشقریلیشی و تشقی سرمایه یاتقزوچیلرنی جلب ایتیش اوچون اولکه‌ده تینچ‌لیک تامین‌لنیشی کیره‌ک.
اونینگ کوپه‌یتیریشیچه، افغانستان حاضرگی شرایطی‌گه 80 فایز اقتصادی سقوط‌گه روپه‌ره بولگن.
بوندن آلدین، بلخ ولایت سرپرستی عطامحمدنور، افغانستان شمالی‌ده‌گی ناتینچ‌لیک‌لر توغری‌سی‌ده خواطرکورسه‌تیب، مذکور ناتینچ‌لیک‌لرحکومت تامانیدن تامین لنمه‌گن صورت‌ده، اوزی، خلق حمایتی بیلن بو حوزه‌ده تینچ‌لیک کیلتیریشی‌نی تیلگه آلگن ایدی.
