افغانستانگه بیریلهدیگن تشقی یاردملر میلادی 2014- ییلدن سونگ کمهیگنیدن کیین، یاردم بیرووچی مملکتلرنینگ یاردملریگه اوزگریش کوریندی. امیریکه، بریتانیا و پاکستان مملکتلرینینگ سونگی حربی و اقتصادی یاردملری توغریسیده ایش بیلرمانلردن بیرقطارینینگ ایتیشیچه، اوشبو یاردملر مناسب ییرده تیزیم لایحه اساسیده صرفلنیشی لازم.
سونگی کونلرده امیریکه، افغانستاننینگ امنیتی وضعیتی یخشیلنیشی خصوصیده، بیر میلیارد دالر یاردم بیریشگه سوزبیرگن. شونینگدیک، پاکستان ساغلیک و اورگهتیش و تربیهلش بولیمیگه 500 میلیون دالر یاردم بیرگن. عین حالده، بریتانیا، افغانستانگه باشقه 400 ینگی عسکر یوباریشگه قرار قیلگن.
عین حالده، ایش بیلرمانلرنینگ ایتیشیچه، افغانستان حکومتی بو فرصتلردن یخشی بیر شکلده فایدهلنیب و بو یاردملر تالان قیلینیشینی باشقریشی کیرهک.
سیاسی ایش بیلرمان جاوید کوهستانینینگ ایتیشیچه، اوشبو یاردملر امنیت تأمین ایتیلیشی خصوصیده ایجابی تأثیر تشلهیدی و حکومت بو یاردملرنی تیزیم لایحه اساسیده، صرفلهشی لازم. جناب کوهستانینینگ ایتیشیچه، اوشبو یاردملر دقت بیلن نظارت بولگن صورتده، ایجابی نتیجه بیرهدی.
ایش بیلرمانلردن باشقه بیری عبدالغفار گردیزینینگ یاردملر توغریسیده سلاموطندارگه ایتیشیچه، یشاوچیلر اوچون بیرینچی نرسه امنیت دیر و بو یاردملردن مملکتده تینچلیک تأمینلنیشی خصوصیده، فایدهلنیشی کیرهک. جناب گردیزیگه کوره، دنیا جماعهچیلیگی اوشبو یاردملرنی نظارتگه آلیب و بو پوللر مناسب ییرده صرفلنیشی لازم.
عین حالده یشاوچیلرنینگ ایتیشیچه، اوتمیشلرده میلیاردلرچه دالر مملکتگه یاردم بیریلگن، بیراق قطار کیشیلرنینگ شخصی کیسهلریگه کیریب و هیچ دردنی دارولهآلمهگن. اولرنینگ ایتیشیچه، حکومت اوشبو یاردملرنی مناسب ییرلرگه صرفلگن حالده، اولر کیلهجککه امید بیلدیرهدی.
تیزلیکده بریتانیالیک قطار ینگی عسکرلر افغانستانگه یوباریلیشی خصوصیده قرار قیلینگن و امیریکه بیلن پاکستان مملکتلرینینگ یاردملری ایریم بولیملر اینیقسه امنیت تأمینلنیشی خصوصیده مسؤول ادارهلرگه تاپشیریلهدی.
