هلمند ولایت ایکینچیلیک اداره باشلیغی، اوتگن ییل اصلاح ایتیلگن بوغدایدن فایده‌له‌نیش عاقبتی‌ده، مذکور ولایت محصولاتی کوزگه کورینرلی کوپه‌یگن‌لیگی‌دن خبر بیره‌دی. بو اداره باشلیغی‌گه کوره، محصولات‌گه آرتیش دلیلی؛ دهقانلرنی اصلاح ایتیلگن بوغدایدن فایده‌له‌نیش بولگن.
هلمند ولایتی‌نینگ ایکینچیلیک اداره‌سی باشلیغی روح‌الله روان‌نینگ سلام‌وطندارگه ایتیشیچه، باشقه ییل‌لرگه قره‌گنده، دهقانلر بوغدای ایکیش ایشی بیلن اونچه‌لیک اورونمه‌گن، بیراق اصلاح ایتیلگن بوغدایدن ایش آلیش ییرلرده یخشی حاصل بیرگن.
جناب روان، اوتگن ییل هلمند ولایتی‌ده 100 هکتار ییرگه بوغدای ایکیلگن ایدی و هر بیر جریب ییردن 4 باتمن بوغدای قولده کیریتیلگن ایدی؛ اما بوییل 98 هکتار ییر بوغدای ایکیش اوچون تیار بولگن حالده، هر بیر جریب ییردن 5 باتمن بوغدای قولده کیریتگن لیگی‌نی بیلدیره‌دی. جناب روان ایچکی قولده کیریتیلگن بوغدای ساتیش و آلیش توغری سیده ایتیشیچه، هرییل خیریه جمغرمه‌لر قوشنی اولکه‌لردن کیره‌کلی بوغدایلرنی ساتیب آله‌دیلر.
ایچکی قولده کیریتیلگن بوغدای ساتیب آلگن صورت‌ده دهقانلر اقتصادی اوسیشی‌گه سبب بوله‌دی و بوغدای ایکیش و یخشی حاصل آلیش توغری سیده اولرنی تشویق قیلیشی ممکن. شونینگ‌دیک هلمند ولایتی‌نینگ دهقانلریدن نیچه ته‌سی سوز اوتکزیشلری بیلن دولت اصلاح ایتیلگن بوغدایلر توزیع ایتیش و ایکینچیلیک دارولرنی یاردم بیرگن بیرچاغ‌ده بولرحاصلاتی نیچه برابر آرتیشی‌گه سبب بوله‌دی.
شو حاضر هلمند ولایتی‌نینگ دهقانلری، اوز شخصی هزینه‌لری بیلن ایکه دیگن بوغدایلرنی بازارلردن ساتیب آله‌دیلر. هلمند ولایتی، اولکه بویلب بوغدای آز ایکیلیشی‌گه تانیلگن، ییلی‌ده مینگ‌گه یقین تُن بوغداینی اولکه بازارلریده ساته‌دی؛ ولی حاضرگه قدر بو حیاتی محصولات یخشی‌لب قولگه کیریتیش اوچون دولت هیچ قنقه بیر جدی ایش قیلمه‌گن.
