.jpg)
1395- ییلده افغانستان نینگ اقتصاد ساحهسیده اینگ مهم حادثهلر مملکتنینگ دنیا تجارت تشکیلاتیگه اعضا بولیشی دیر. رسمیلرنینگ تعبیریچه، افغانستان جاری ییلده چمهسی 30 باسقیچدن اوتیش بیلن دنیا تجارت تشکلاتیگه قوشیلدی.
کورینیشیچه 95- ییل افغانستان اوچون مهم بولگن. اوشبو ییلده مملکتدهگی صنعت وضعیتی یخشی یونهلیشده بولیب، ییل نینگ بیرینچی آلتی آییده مملکت نینگ صادراتی اوتگن ییل نینگ عینی زمانیگه قرهگنده 28% کوپ بولگن. شونینگدیک 1دن 1.5 میلیارد دالر افغانستان بولیب مذکور ییلده سرمایه یاتقیزیلگن.
سلما توغانیدن ترکمنستان تیمیر یول لایحه سی
سلما توغانی آخیرگه کیلیب 42 ییلدن سونگ افغانستان – هند دوستلیک توغانی صفتیده بوگون فایدهلهنیش گه تاپشیریلدی. انه شو مناسبت بیلن بوگون هراتده یولگه قوییلگن ییریک ییغینده اشتراک قیلگن افغانستان رهبری جمهور رییس غنی، سلما توغانی فایده لهنیشگه تاپشیریلیشی بیلن مملکتده سوو توغانلرینی قوریش اوچون بیر باشلهنیش بولدی دیگن.
جمهور رییس غنی، هند بیر قطار ترورچیلرنی تربیهلشگه قرشی دولت صفتیده سونگی نیچه ییلده افغانستانده ییریک لایحهلرنی قوریب بیرگن لیگینی تیلگه آلگن.
هند افغانستاننینگ اوزاق اوتمیشدهگی دوستی ایکن لیگینی اظهار قیلگن جمهور رییس غنی، سلما توغانی رسمی کابل – ینگی دهلی علاقهسی مستحکملهنیشیدن تشقری مملکتده قورغاغچلیکنی ایلدیزدن یوق قیلهدی دیگن. غنی، بو ییریک لایحه مینگلب عیاله اویینی یاروغلیک بیلن تامین قیلیشی اوستیده علیحده تاکید ایتگن.
مذکور توغان 1776 کرور هندی/ یا – ده 290 میلیون اقش دالری صرفله نیشی بیلن قوریلدی. مذکور لایحه نینگ بوتون خرجتی هند دولتی تامانیدن تولندی.
سلما توغانی هرات ولایتی نینگ چوشت شریف تومنی نینگ هریرود منطقه سیده جایلشگن. توغان نینگ بنلدلیگی 107 متر اوزونلیگی 550 متر قوریلگن. شونینگ دیک توغان 633 میلیون متر مکعب سوو ذخیره قلیش قابلیتی گه ایگه.
.jpg)
«آقینه بندرگاهینی تورکمنستان تیمیر یولیگه باغلنیشی افغانستان و تورکمنستان ارا علاقهلرنی مستحکملب گینه قالمهی بلکه آسیا اقتصادیاتینی رواجنلنتیریش سَری تشلنگن اساسی بیر قدم سنهلهدی. بیز اوشبو تیمیر یول ترماغینی اروپا و آسیا بیلن علاقهلریمیزنی تامینلهیدیگن مهم بیر یول دیب بیله میز.»
جناب غنی اوز سوزلریده، افغانستاننی تیمیر یول ترماغی آرقلی اروپا و آسیا گه باغلنیشی نتیجهسیده بوندن تقریبا بیر عصر آلدین مملکت سابق قرالی امان الله خان نینگ آرزولریدن بیری عملده تطبیق ایتیلگنینی بیلدیردی. افغانستان رهبری یقین کیلهجکده مملکت ایچکریسیده تیمیر ترماغلرینی قوریش اوچون عملی چارهلر تدبیرلر کوریلیشینی تاکیدلهدی.
تورکمنستان رهبری قربان قلی بیردی محمد اوف اوز چیقیشیده آقینه – امام نظر- آته مراد تیمیر یولینی جنوبی آسیانی مرکزی آسیاگه همده اروپاگه باغلشده مهم کلیدی رولنی اوینهیدی دیدی:
«افغانستان و تورکمنستان ارا قوریلگن تیمیر یول منطقه بویلب کته اهمیتگه ایگه. اوشبو یول منطقه دولتلری ارا ترانزیت ساحهسیده قوله یلیکلرنی وجود گه کیلتیریب گینه قالمهی، بلکه یخشی بیر شکلده آسیا جنوبینی شمالیگه همده شرقینی غربیگه باغلب، اروپا و آسیا ارا ترانسپورت ترماغی فعالیتنی هماهنگ ایتیشده مهم رول اوینهیدی.»
افغانستان حکومتی برابریده مملکت ایچکریسیده تیمیر یول قوریش لایحهلرینی عملده تطبیق ایتیش اوچون امنیت مسالهسی اساسی توسیق سنهلهدی. حکومتنی اوز اقتصادی لایحهلرینی تیزراق عملده تطبیق ایتیش اوچون بیرینچیدن تورلی یوللر آرقلی مملکت ایچکریسیده امنیت مسالهسینی برطرف ایتیش اوچون ضروری چارهلر کوریشی کیرهک بولهدی.
.jpg)
افغانستان تجارت نبضی پاکستان قولیده
افغانستان تجارت و صناعت اتاقی نینگ مسووللری بوگون کابلده بیر خبری انجمن آلیب، تورخم و سپین بولدک تجاری یولی پاکستان حکومتی آرقهلی یاپیب قوییلیشی بوتون تجاری شرطنامهلر اینیقسه اپتا و خلق ارا سوداگرلرلیک قانونلریگه قرشی بیر ایش دیگنلر.
صناعت و تجارت اتاقی نینگ اورین باسری خانجان الکوزی، افغانستان کونده میلیونلب دالر زیان کوریشدن تشقری پاکستان نینگ کراچی بندریده کونده 150ته یوکی بوشهتیلهدیگن موترلرنینگ فعالیتی توختب قالگن دیگن.
جناب الکوزی حکومت، ایکو سوادگرلیک اداراهلری، سارک و خلق ارا تجارت تشکیلاتیدن بو قیین چیلیککه تیزلیکده پایان بیریشلرینی سورهگن. شونینگدیک او، افغانستانلیک سوداگرلردن مذکور مشکل حل بولگونگه قدر صادرات و واردات اوچون باشقه بیر ایشانچی یول قدیریشلرینی سورهگن.
صناعت و تجارت اتاقی نینگ خلق ارا علاقهلر باشلیغی آذرخش حافظی، رسمی کابل – اسلام آباد ایکیسی هم خلق ارا تجارت همده ایکوگه اعضا بولگنی باعث بو تشکیلات نینگ اساس نامهسیگه موافق هیچ بیر دولت تجارت یولنی باشقه بیر دولت یوزیگه یاپیش حقوقیگه ایگه ایمس دیگن.
چمهسی بیر آی ایچیده پاکستان نینگ تورلی شهرلریده صادر بولگن خودکش هجوملردن سونگ رسمی اسلام آباد ایکّی هفته آلدین تورخم و سپین بولدک چیگرهسینی افغانستانلیکلر یوزیگه یاپیب قوییشگه اولگوردی. بو توغریده مذاکره آلیب باریلگندن سونگ رسمی اسلام آباد فقط ایکّی کون چیگرهنی آچیشگه قرار قبول قیلگن.
اقتصادنینگ ایکّی فایز آشیشی
تجارت وزیرلیگی نینگ سوزلاووچیسی مسافر قوقندی، یقین کیلهجکده اوزبیکستان بیلن افغانستان اورتهسیده قول قوییله دیگن تجاری شرطنامهلر بارهسیده یخشی خبرلر ایشیتیلهدی دیگن.
جناب قوقندی، 1395- ییلده مملکتده سرمایه یاتقیزیلگن لیگیگه اشاره قیلیب، جاری ییل نینگ بیرینچی 8 آیی ایچیده 8 میلیارد افغانستانگه وعده بیریلگن ایدی بو مبلغ نینگ 850 میلیون دالری کابل، قندهار و هلمند ولایتلری نینگ لایحهلریگه صرفلنگن دیگن.
افغانستان نینگ بو ساحه دهگی مهم یوتوغی توغریسیده اشاره قیلگن جناب قوقندی، مملکت دنیا تجارت تشکیلاتیگه اعضا بولیشی و افغانستان بولیب بعضی آستقورمه لایحهلر آچیلیب فایده لهنیشگه تاپشیریلگن لیگی خصوصیده اشاره قیلگن.
.jpg)
تجارت وزیرلیگی نینگ سوزلاووچیسی، جاری ییلده مملکتده صنعت وضعیتی یخشی تامانگه یونلگن لیگینی تیلگه آلگن. بو بولیمده هم سرمایه یاتقیزووچیلر اساسی شکلده سرمایه یاتقیزگنلر دیدی او.
اوشبو ییل اقتصادی لایحهلرنی تنقید قیلگن تجارت اتاقی نینگ مسووللری، 1394- ییل افغانستان اقتصادی رونقی اوچون اینگ یخشی ییل ایدی دیگنلر.
تجارت اتاقی نینگ سوزلاووچیسی صیامالدین پسرلی، جاری ییل افغانستانلیک خصوصی اقتصادی ساحهسیده سرمایه یاتقیزگنلری اوچون اینگ نابرقرار ییل بولدی دیگن. او، اداری فساد، حکومت رسمیلرینینگ نا هماهنگلیگی و ییترلی درجه ده سرمایه یاتقیزیلمهگن لیگی جاری ییلدهگی اینگ کته مشکللردن بولگن لیگینی بیلدیرگن.
اقتصادی تحلیلچی محبالله شریف، 95- ییل نینگ باشله نیش آیلریده افغانستان حکومتی اقتصادی آستقورمه لایحهلرنی یخشی باشلب ییل نینگ جریانیده یاقیلغی مادهلر نرخینی دییرلی کنترولی قیلیشده موفق بولدی دیگن.
