.jpg)
بوگون افغانستان برشنا شرکتی قرضدارلر لیستینی افشا قیلدی. مذکور لیستده نیچه مرحله برق پولینی تولمهگن 3 میلیاردگه یقین کابل قرضدارلریدن 2099 کیشی اسمینی فاش ایتگن.
مخابراتی و یشش بنا قوریش شرکتلردن توتیب حکومت رسمیلری، دولتی ادارهلر، دکانلر، تولیدی شرکتلر و صنعت، ایش خانهلر و جمهور رییسلیک سرایی اوشبو شرکت قرضدارلریگه شامل.
مذکور لیستگه قرهگنده، 12 دوره برق مصرفیدن استادبرهان الدین ربانینینگ قبری «861202»، سیدمنصور نادری 15 دوره ده «132381»، جمهور رییسلیک سرایی 3 دوره ده «531224»، جمهور رییس مصلحتچیسی و پارلمان اعضاسی حاجی الماس زاهد 10 دوره ده «1307067»، 3 دوره ده نجیبالله کابلی «800993» و 6 دوره ده «1482865» عبدالربالرسول سیاف و اوغیللری جملهدن عبدالستار، حبیبالرحمان و عبدالقادرلر هر بیری 7، 7 و 12 دوره ده «1681351»، «974859» و «197449» افغانی پول برق صرفیهسیدن قرضدار بولگنلر.
مذکور لیستده نیچه تلویزیون جملهدن آیینه، تمدن، دعوت، نورین، ژوندون و مخابراتی شرکتلر جملهدن ام.تی.ن، اتصالات و افغان بیسیم هم قید ایتیلگن.
شونینگدیک برشنا قرضدارلریدن باشقه بیر 100 مینگ افغانیدن آشه قرضدرا بولگن لیستنی هم ترقتگن. مذکور لیستده جمهور رییس نینگ بیرینچی اورین باسری عبدالرشید دوستم هم کورینهدی. جناب دوستم «34880851» مینگ افغانی برق پولینی تولمهگن و 1659629 افغانی هم جناب دوستم نینگ ایکی مهمان خانهسی برق صرفیهسی تولنمهگن.
.jpg)
ایکینچی لیستده، سابق جمهور رییس ایکینچی اورین باسری کریم خلیلی «5323467» افغانی اوشبو شرکت قرضدارلری قطاریده کورسهتیلگن. پارلمان اعضالریدن حمیدلالی حمیدزی نینگ اوزی و عایله اعضاسی «1078783» افغانی قرضدار دیب کورسهتیلگن.
برشناشرکت سوزلاوچیسی وحید توحیدی نینگ قرضدارلر لیستینی افشا قیلیش پیتیده ایتیشیچه، جمهور رییسلیک سرایی و وزیرلر کینگشی اویغونلیگیده لیستدهگی قرضدارلر باشقرهلاوچیلیک ادارهسیگه معرفی بولهدیلر.
جناب توحیدی نینگ ایتیشیچه، 100 مینگ افغانیدن آشه راق بولگن قرضدارلر قیسط شکلیده تولشنی هم قبول قیلهدیلر، بیراق قرضدارلردن 60 فایزی برق صرفیه لرینی تولشگه حاضر بولگن و قالگن 40 فایزی پول تولشنی قبول قیلمهگنلر.
http://salamwatandar.com/file_uploads/12234CAJKAND.pdf
اوشبو اولتیریشده کابل برق ادارهسی باشلیغی محبالرحمان مومندنینگ ایتیشیچه، قرضدارلرگه پول تولش مسالهسی ایتیلگن، بیراق آگاهلنتیریشلرگه توجه قیلمهگنلر.
جناب مومندنینگ معلوم قیلیشیچه، مذکور قرضدارلردن 947 میلیون افغانیسی یشش بنالر، 773 میلیون تجارتی نهادلر و باشقه 700 میلیونی شخصلرگه تیگیشلی بولگن.
برشناشرکت رسمیلری نینگ ایتیشلریچه، کیلگوسی بیرهفته گه قدر باشقه ولایتلر قرضدارلری هم ترتیب قیلینیب افشا بولیشلری ممکن.
