.jpg)
ننگرهار ولایتی بتیکوت تومنینینگ یشاووچیلری، طالبلر نیچه ییلدن بیری تومن چارواچیلیکلریدن باج آلهدی دیگنلر. تومن یشاووچیلری، ننگرهار کانال ادارهسی ملازملری نینگ بیر بولمی اجاره آلیشده طالبلرگه همکارلیک قیلیشینی ادعا ایتگنلر.
نامی فاش ایتیلمسلیک شرطی بیلن سلاموطندار ترماغیگه سوز بیرگن بتیکوت تومنی نینگ یشاووچیلریدن بیری، تومندهگی کوپینچه چارواچیلیک اینیقسه زیتون ایکین ییرلری جنگری طالبلر ادارهسیده بولگن منطقهلرده، انه شو سبب هم ایکینچیلر طالبلرگه باج بیریشگه مجبولر دیگن.
خبرنی تصدیقلهگن بتیکوت تومنینینگ ولسوالی غالب مجاهد، ننگرهار کانال ریاستی نینگ بعضی ملازملری بو ایشده طالبانگه همکارلیک قیلیشینی تیلگه آلگن. مساله هر تامانلمه تیکشیریلشی اوچون صلاحیتلی هیات تعین ایتیلیشی اوستیده تاکید قیلگن تومن حاکمی جناب مجاهد.
.jpg)
شونینگدیک ننگرهار کانال ادارهسی نینگ باشلیغی غلامحضرت عبدالرحمیزی، طالبلر ایریم چاروادارلردن باج آلیشینی اعتراف قیلگن.
عمبرخوانی، چهاردهی و باشقه بیر قنچه قیشلاق وحدودلر حکومت ادارهسی آستیده بولمه گن لیگی باعث بو منطقهلرده طالبان حاکمیت قیلهدی دیدی عبدالرحمیزی.
اما، ننگرهار ولایتی والیسی نینگ سوزلاووچیسی عطاالله خوگیانی چاروادارلر باج بیریش مسالهسینی رد قیلیب، بتیکوت تومنیده هنوزگچه هیچ بیر دهقان بو گروه گه باج بیرمهگن لیگینی اظهار قیلگن. عین حالده، انده – سنده طالبان نینگ کیشیلری بتیکوت تومنیده دولت ییرلری اوستیده باج آلیشده اورتهلریده اوروش هم یوز بیرگن.
بوندن ایکّی هفته آلدین تومن نینگ عمبرخوانی منطقهسیده دولت ییرلریدن باج آلیش اوستیده یوز بیرگن اوروش نتیجهسیده طالبلرنینگ تومن اوچون حاکم ایتیب تعین لنگن قوماندانی شامل ایکّی تاماندن آلتیشی کیشی هلاک بولیب و8 نفر یرهلنگن ایدی.
