.jpg)
افغانستان غربیده جایلشگن نورم و استاندارد ادارهسینینگ مسووللری، نفت مافیاسی موجودلیگی بارهسیده خبر بیرگنلر. حاضر، 10 – 15 نفت شرکتی محصول تولهمسدن مملکتگه یاقیلغی ماده آلیب کیلهدی.
ولایت نورم واستاندار ادارهسینینگ باشلیغی امینالله امیننینگ سلاموطندارگه ایتیشیچه، مذکور شرکتلر اوتگن بیر ییل جریانیده 29مینگ نفت ذخیرهسینی تولدیرگنلر. مذکور یاقیلغی مادهلر مالیه تولهمسدن تورغندی بندری آرقهلی مملکتگه کیریتیلگن.
جناب امین، نیچه ییل آلدین فقط اوچ شرکت مالیه تولهمسدن خلق ارا کوچلریگه یاقیلغی مادهلر ییتکزیب بیرردی، لیکن، حاضر مذکور شرکتلرنینگ رقمی نا معلوم سببلرگه کوره آشگن لیگینی بیلدیرگن.
هرات نورم استاندارد ادارهسینینگ باشلیغی، افغانستان غربیده خلق ارا کوچلرینینگ سانی 1000 دن 500گه کمیگن؛ بیراق، مالیه تولهمسدن مذکور حربیلرگه یاقیلغی مادهلر ییتکزه دیگن شرکتلر هنوز اوزگرمهگن.
مملکتگه یاقیلغی مادهلر کیلتیرووچی ایریم شرکتلرهم مساله اوچون شبهه بیلدیرگن. یاقیلغی ماده کیلتیرووچی شرکتلردن بیری زلمی یوسفینینگ سوزلریگه قرهگنده، فاریابنینگ آقینه و بلخنینگ حیرتان بندری آرقهلی هر ییل میلیونلب لیتر یاقیلغی مادهلر مالیه تولهمسدن مملکتگه آلیب کیلینهدی دیگن. اونگه کوره، بو ایسه حکومتگه میلیونلب دالر زیان ییتکزهدی. او، بو مساله گه ملی کینگش نمایندهلری نینگ قولی بارلیگینی ادعا قیلگن.
.jpg)
عین حالده، ایریم اقتصادی ایش بیلرمان، مملکتگه نفت کیلتیریش بعضی منفعت جوی شخصلرنینگ قولیگه توشگنلیگینی تیلگه آلیب، بو توغریده حکومتدن تدبیر آلیشنی طلب قیلگنلر.
بو توغریده هرات یاقیلغی مادهلر ادارهسی فکرینی اورگهنیش اوچون آلیب بارگن سعی و حرکتیمیز نتیجه بیرمهدی.
عین حالده، افغانستان تجارت وزیرلیگینینگ سوزلاووچیسی مسافر قوقندینینگ سلاموطندارگه ایتیشیچه، مالیه تولهمسدن مملکتگه یاقیلغی مادهلر کیلتیریش جریانینی تیکشیریش اوچون جمهور رییسلیک سرایی، تجارت و مالیه وزیرلیگیدن قوشیمچه هیات تشکیل بولگن. قوقندی، مذکور کمیته تشکیل ایتیلگندن سونگ مالیه تولهمسدن مملکت آلیب کیلینه دیگن یاقیلغی مادهلر 40% کمیگتن دیگن.
بو توغریدهگی تشویشلر امریکه و اروپا بیرلشمهسی ایران دولتی برابریده بولگن تحریملر کوتاریلگندن سونگ، یاقیلغی مادهلر نرخی سیزیلرلی درجهده کمیگن بیر پیتده بیلدیریلماقده. اما، هرات شهرینینگ یشاووچیلری، نفت مادهلر مافیاسی سبب هنوز گه یاقیلغی مادهلر نرخی کوتیلگن درجهده کمیمهگن دیگنلر.
