بوگون «یکشنبه» نفتی ماده و سویوق گاز آلیب کیلهدیگنلر بیرلشمهسی و اوشبو مادهنی آلیب کیلهدیگنلردن بیرقطاری، هرات ولایتینینگ صنعت و سوداگرلیک اتاقیده ناراضیلیک بیر ییغین اوتکزیب ایتیشیچه، بیر هفتهدن نورم و استندرد ادارهسی خصوصی بولیم و محلی اداره گه بیر مکتوب یوبارگن و مذکور مکتوب ده سوداگرلردن یاز موسومی ده یاز گازی و قیش موسومی ده قیش گازی آلیب کیلینیشی سورهلگن.
اولرگه کوره، بو ایستک نفتی ماده صادر قیلهدیگن مملکتلرنینگ نورمی گه هیچ ماس کیلمهیدی و باشقه تاماندن شو موضوع باعث، اسلامقلعه و توغندی بندرلریده 1000 تانکردن آرتیق سویوق گاز توختهتیلگن.
هرات ولایتیده سویوق گاز آلیب کیلهدیگنلرنینگ آگاهلنتیریشیچه، بو مسئله حل بولمهگن صورتده، ایشدن قول تارتهدیلر.
بیراق، هرات ولایتینینگ نورم و استندرد آمریتینی سرپرستی عبدالواسع خادمی، مذکور ولایت بندرلریده سویوق گاز تانکرلری توختهتیلگنینی رد قیلیب ایتیشیچه، قیینچیلیکنی بیر بولیمی سوداگرلرگه تیگیشلی بولهدی و اولر گاز قیمتینی تکرارسیز شکلده یوقاری قیلگنلر.
سویوق گاز آلیب کیلهدیگنلر بیرلشمهسی مسؤوللری تامانیدن بیریلگن رقم اساسیده، مملکت نینگ 70 % سویوق گازی هرات ولایتینینگ اسلامقلعه و تورغندی بندرلری آرقهلی تأمین ایتیلهیدی و کونده چمهسی 2200 تُن گاز بولهدیگن 120 دن آرتیق تانکر مذکور بندرلردن مملکت گه کیرهدی.
