افغانستان کانلر وزیرلیگینینگ بلند مرتبهلی مسووللری، قویاش جاری ییل باشلنگندن بیری 86 شرطنامهگه قول قویگنلیکلرینی ایتگنلر. رسمیلر، مذکور کیلیشولر عملی ایتیلیشی بیلن 2000مینگ کیشی ایش ییری بیلن تامین لنهدی دیدیلر. شونینگدیک بو لایحهلر تطبیق ایتیلگن حالده، مینگلب کیشی پروژه دن بلواسطه فایدهلهنیشلری ممکن دیگن وزیرلیک رسمیلری.
مملکت کانلر و پترولیم وزلرلیگینینگ سوزلاوچیسی محیالدین نوری بوگون (سهشنبه) کابلده اوتکزیلگن ییغینده، وزیرلیک 34 ولایتده 450 لایحهنی علمگه آشیرهدی دیگن. اوشبو کیچیک و اورتهچه لایحهلر تاش، توز، سمنت، گاز قیمتبها تاش و ایچکی محصولاتلردن عبارت ایکنی ایتیلهدی.
جناب نورینینگ سوزلریگه کوره، تاش، گچ و مرمر تاشنی اوز ایچیگه آلووچی 8 پروژه کیم آشتی سوداسیگه قوییلهدی. فاریاب ولایتی شرین تگاب تومنینینگ گچیتاشی، قندهار دامان تومنینینگ تاشکانی و غزنی ولایتی ناهور تومنینینگ گچتاشی اوشبو کیمآشتیگه قوییله دیگن لایحهلردن بولگن لیگی تیلگه آلینهدی.
بو لایحهلر تطبیق ایتیلیشی اوچون امنیت اساسی مساله حسابلنگنلیگینی تیلگه آلگن سوزلاوچی، خوفسیزلیگی تامین ایتیلمهگن منطقهلرده ناقانونی روشده قازیب چیقاریش هنوز هم دوامی بار دیدی. لیکن، امنیتی ادارهلر کانلر وزیرلیگی هماهنگلیگی بیلن منراللر منبعی قاچاق ایتیلمسلیگی اوچون کورهش قیلهدی. اونینگ ایتیشیچه، اوتگن بیر ییل دوامیده کانلرنی قاچقاق ایتیش 120واقعه رویخطگه آلینگن.
شونینگدیک وزیرلیکنینگ سوزلاوچیسی، ولایتلرده منراللی 14 نقطهنی معلوم قیلیب، امنیتی مسالهسینینگ طرحی خوفسیزلیک ادارهلرگه یوباریلگن دیگن. او، بو لایحهلر اوسیتیده کانلر وزیرلیگی ایچکی ایشلر وزیرلیگی هماهنگلیگی بیلن ایش باشلهشی کوتیلهدی دیگن.
مملکت کانلر وزیرلیگینینگ سوزلاوچیسی، قیمتبها تاشلر و لاجورد بورس طرحی نهایی لهنیشی بیلن بو ساحهده قیزیقه دیگن تاجرلر سرمایه یاتقیزیشلری اوچون شرایط یرهتیلهدی دیدی.
