بوگون "چهارشنبه" کانلر و پترولیم وزیرلیگی نینگ مسووللری، کابلده بیر خبری ییغین آرقهلی، کان بولیمیده کته و کیچیک 29 پروژه خصوصیده سرمایه یاتقیزیلیشیدن خبر بیرگنلر.
کانلر و پترولیم وزیرلیگی نینگ برنامهلر بولیمی اورین باسری ولیالله زدران نینگ ایتیشیچه، اوشبو پروژهلر اوستیگه 300 میلیون آمرکالیک دالر سرمایه یاتقیزیلهدی.
کانلر و پترولیم وزیرلیگی سرپرستی نرگس نهان نینگ بو ییغینده ایتیشیچه، مذکور پروژهلردن 5 تهسی هرات، میدانوردک، کاپیسا و پروان و 24 تهسی ایسه باشقه ولایتلرده دیر.
کانلر و پترولیم وزیرلیگی سرپرستیگه کوره، کانلرنینگ ناقانونی شکلده چیقاریلیشیگه توسیق بولیش اوچون سعی و حرکتلر صورت تاپگن، بیراق حاضرده هم قطار کانلر دولتگه قرشی قوراللی گروهلر، محل یشاوچیلری و زورهوان کیشیلر تامانیدن ناقانونی شکلده ایشلب چیقاریلهدی.
