هلمند یشاوچیلریدن بیرقطاری نینگ ایتیشیچه، اوشبو ولایتده بیرقطار کیشیلر بوغدای حاصلاتینی ایکینچیلردن ساتیب آلگنیدن سونگ، ناقانونی یوللر آرقهلی باشقه مملکتلر اینقسه پاکستانگه انتقال بیرهدیلر.
هلمند یشاوچیلریگه کوره، بوغدای نینگ باشقه مملکتلرگه قاچاق ایتیلیشی باعث، بهاسی یوقاری کیتگن و مسووللر نهادلر بوتوغریده دقت قیلمهگن صورتده، اوشبو ولایت بوغدای کملیگی بیلن روپهره بولهدی.
هلمند یشاوچیلریدن بیری لعلمحمد صفا نینگ ایتیشیچه، حاضرگی وضعیتده افغانستانی بوغدایگه نیازی بار و اوشبو مملکت بوغدای نینگ باشقه مملکتلرگه قاچاق ایتیلیشی سبب، هلمند ولایتی نینگ بودغدای کملیگی بیلن روپهره بولیشی مملکن.
هلمند ولایتی بوییچه ایکینچیلیک ریاستی باشلیغی زلمی الکو نینگ ایتیشیچه، هلمند بوغدای نینگ قاچاق ایتیلیش موضوعینی ایکینچیلیک و مالیه وزیرلیگی، امنیتی نهادلر و گمرکلر اورین باسرلیگی گه خبر بیرگنلر و توسیق بولیش اوچون سعی و حرکتلر صورت تاپگن.
هلمند ولایتی بوییچه ایکینچیلیک ریاستی مسووللریگه کوره، جاری ییلده هلمند ولایتیده 15 یوز مینگ و 500 هکتار ییرگه بوغدای ایکیلگن و 443 تن حاصل کوتاریلیشی ممکن.
